20க்கு இல்லையென்றால் 200க்கா கையை தூக்கினார்?

முன்னாள் பாராளுமன்ற உறுப்பினர் ஹரீஸ், 20க்கு கை தூக்கிய காரணத்தினால் இம்முறை வேட்புமனுவை தாக்கல் செய்ய அவருக்கு அனுமதி வழங்கப்படவில்லை.

- விரி. சகாதேவராஜா

அப்படி என்றால், பைசல் காசிம் என்ன 200 க்கா கையை தூக்கியவர்? அவருக்கு சீட் வழங்கியது எப்படி? என நல்லாட்சி தேசிய முன்னணியின் ஆதரவு "வி ஆ வண்”( avare one) அமைப்பின் இணைப்பாளர் மொகமட் ரஸ்மின் கேள்வியெழுப்பினார்.

காரைதீவில் உள்ள அம்பாறை ஊடக மையத்தில் செவ்வாய்க்கிழமை (29) நடைபெற்ற ஊடகவியலாளர் சந்திப்பின் போது, மேற்கண்டவாறு கேள்வியெழுப்பினார்.

நாட்டில் தமிழ் பேசும் சமூகங்கள் பல பிரச்சனைகளை எதிர்கொண்டு வருகிறது.

இதுவரை இருந்த பாராளுமன்ற உறுப்பினர்கள் அவற்றுக்கு எந்த தீர்வையும் காணவில்லை.

அரசியலுக்காக பிச்சைக்காரனின் புண் போல அதைப் பயன்படுத்தி வருகின்றனர்.

நடந்து முடிந்த ஜனாதிபதி தேர்தலில் நாட்டிற்கு தரமான தலைவர் அனுர கிடைத்துள்ளார். நாட்டுக்கு தேவையான நல்ல தலைவரை தேர்வு செய்யுங்கள் என்று அன்று அவர் கூறினார்.

இப்பொழுது கூறுகிறார் உங்களுக்கு தேவையான உங்கள் தலைவர்களை தேர்வு செய்யுங்கள் என்று.அதுதான் உண்மை .

இப்பொழுது பாராளுமன்ற தேர்தல் வந்திருக்கிறது.

எமக்கு தேவை உண்மையாக தலைவர்கள். அறுகம்பை சம்பவத்திற்கு இதுவரை யாருமே வாய் திறக்காதது ஏன்? பொத்துவிலில் உள்ள முஷாரப்பே வாய் திறக்கவில்லை.