குற்ற பத்திரிகையை வாங்க மறுத்த சுமந்திரன்

வவுனியாவில் தமிழரசுக் கட்சியின் செயலாளர் ப.சத்தியலிங்கம் மீது முன்வைக்கப்பட்டுள்ள குற்ற பத்திரிகையின் பிரதியை முன்னாள் பாராளுமன்ற உறுப்பினர் சிவமோகன் வழங்க முற்ப்பட்ட போது, அதனைச் சுமந்திரன் வாங்க மறுத்தார்.

- க.அகரன்

தமிழரசுக் கட்சியின் அரசியல் குழுக் கூட்டம் வவுனியா-ஈரற்பெரியகுளத்தில் அமைந்துள்ள தனியார் விருந்தினர் விடுதியில் தற்போது இடம்பெற்று வருகின்றது.

இதன்போது, கட்சியின் செயலாளரின் பொறுப்பற்ற தான்தோன்றித்தனமான செயற்பாடுகளால் கட்சியின் கூட்டுப்பொறுப்பு உருக்குலைக்கப்பட்டதாகவும் அதனை விசாரணை செய்யுமாறு கோரி முன்னாள் பாராளுமன்ற உறுப்பினர் சி.சிவமோகனால் கட்சியின் பதில் செயலாளருக்கு எதிராகக் குற்றப்பத்திரிகை ஒன்று தாக்கல் செய்யப்பட்டது.

குறித்த குற்றப்பத்திரிகையின் பிரதியை இன்றைய கூட்டத்திற்கு வருகைதந்த அனைவருக்கும் சிவமோகன் வழங்கியிருந்தார்.