முதியோரை இம்சைப்படுத்தும் சமூகம்

பெற்ற பிள்ளைகள், உறவிளர்களின் தொடர் தாக்குதல்களாலும் அநாகரிகமான வார்த்தை பிரயோகங்களாலும் பாதிக்கப்பட்ட பல முதியோர்கள் தமது வீடுகளில் இருந்து வெளியேறி வீதிக்கு வரும் திவை இன்று உருவாகியுள்ளது. வயது முதிர்ந்தவர்கள் பொதுவாக, தமது பிள்ளைகளாலும் உறவுகளாலும் தொடர்ச்சியாக இம்சை படுத்தப்படுகிறார்கள்.

யே.வினிதா, ஊடகத்துறை துறை, யாழ். பல்கலைக்கழகம்.

அனுபவம் மிக்க முதியவர்கள், சிறுவர்கள் இருக்கும் வீடுகளில் தான் சந்தோசமும் நிறைவும் இருக்கும் என குறிப்பிட்டாலும், முதியவர்கள் தமக்கு ஒரு இடைஞ்சல் என்றே பலரும் நினைக்கிறார்கள். அதனால் தான் பெரும் வசதி படைத்த பிள்ளைகள் கூட தமது வயது முதிர்ந்த பெற்றோரை எங்கேயாவது அனாதைகளாக முதியோர் இல்லங்களில் தன்னி விடுவதில் நாட்டம் கொண்டவர்களாக உள்ளனர்.

முதியவர்களைப் பாதுகாக்க வேண்டும். அவர்களுக்கான தேவைகள் நிறைவேற்றப்பட வேண்டும்.

சகல விடயங்களிலும் அவர்களுக்கு முன்னுரிமை அளிக்கப்பட வேண்டும் என கூறப்படுவதுடன் அரசாங்கம் முதியோர்களுக்கான உரிய சலுகைகளைப் பெறக்கூடியதாக விசேட அடையாள அட்டைகளையும் வழங்கி வருகின்றது. எனினும் அரசு செயலகங்களிலும் சரி, வைத்தியசாலைகளிலும் சரி, போக்குவரத்து சேவைகளிலும் சரி அவர்களுக்குரிய இடம் வழங்கப்படுகின்றதா என்பது கேள்விக்குரியது. அரச அலுவலகங்களில் தமது தேவைக்காகச் செல்லும் முதியவர்களை தீண்ட நேரம் காத்திருக்க வைக்கப்படுகிறார்கள்.

முதியவர் தான் வந்த விடயத்தைக் கூறி, அதை முடித்துத் தரும்படி கேட்டால், முகாமைத்துவ உத்தியோகத்தர்களான இளைஞர்கள் அதனைக் கவனத்தில் எடுக்காது தங்களுக்குள் சிரித்துக் கதைத்து பொழுதைப் போக்கிக் கொண்டும் தற்செயலாகத் திரும்பிப் பார்த்து முதியவர் இருப்பதைக் காண்டு "ஐயா கொஞ்சம் இருங்கள் ஆள் வரணும்" என்று அவரை சமாளிக்கிறார்கள்.

வைத்தியசாலைகளில் அவர்கள் படும் பாடு மிகவும் பரிதாபத்திற்குரியது.