“மாவீரர்களை வைத்து அரசியல் செய்கின்றனர்”

மாவீரர்களுக்கு உரிய அஞ்சலி செலுத்துகின்ற மாதத்தில் எங்களுடைய மக்கள் ஒன்றிணைந்து மாவீரர் துகிலும் இல்லங்களைத் துப்புரவு செய்து வருகின்றார்கள்.

இவற்றைவிடச் சிலர் மாவீரர் துயிலும் இல்லங்களையும், மாவீரர்களையும் வைத்து அரசியல் செய்து கொண்டிருக்கிறார்கள்.

இவ்வாறான அரசியல் நோக்கம் கொண்டு செயற்படுவது எமது நோக்கம் அல்ல என இலங்கைத் தமிழரசுக் கட்சியின் மட்டக்களப்பு மாவட்ட பாராளுமன்ற உறுப்பினர் இரா.சாணக்கியன் தெரிவித்துள்ளார்.

மட்டக்களப்பு குருமண்வெளியில் ஞாயிற்றுக்கிழமை (24) நடைபெற்ற வரவேற்பு நிகழ்வொன்றில் கலந்து கொண்டு கருத்து தெரிவித்தபோதே இரா.

சாணக்கியன் மேற்கண்டவாறு குறிப்பிட்டுள்ளார்.

மேலும், இம்மாத 27ஆம் திகதி மாவீரர்களுக்கு அஞ்சலி செலுத்துவதற்காக மக்களோடு மக்களாக இருந்து நாங்களும் செயற்படுவோம். அந்த வீர மறவர்களுக்காக நாங்களும் மக்களோடு இருப்போம்.