இதிகாசங்களை மறுபார்வையிடும் நாடகம்

தற்காப்புக் கலைகளை முதன்மையாகக் கொண்டு இடம்பெறும் கலைப்படைப்பு

- ரவி சிங்காரம்

வன்மம். மன்னிப்பு, இறவா வரம். யுகங்களைக் கடந்த வாழ்வின் நோக்கம் குறித்த மனப் போராட்டத்தில் தவிக்கும் பரசுராமரின் கதையை ஆராய்கிறது களரி அகாடமி படைக்கும் "இம்மார்ட் டல்" (Immortal) எனும் ஆங்கில மொழி நாடகம்.

பார்கவ ராமரின் (பரசுராமர்) வாழ்க்கைப் பயணம், மகாபாரதத்தில் அவரது பங்கு, சிவனுக்கும் அவருக்கும் இடையேயான பந்தம் போன்றவற்றைச் சித்திரிக்கவுள்ளது இந்நாடகம்.

இதிகாசங்களையும் தற்காப்புக் கலைகளையும் பற்றிய புதிய கண்ணோட்டத்தில் உருவாக்கியுள்ள இந்நாடகம், ஸ்டாம் ஃபர்டு கலைகள் மன்றத்தின் பிளேக் பாக்ஸில் செப்டம்பர் 20, 21ஆம் தேதிகளில் இரவில் அரங்கேறவுள்ளது.