புதிய தலைமுறை நீர்மூழ்கிகளுக்காக மேம்படுத்தப்பட்ட பயிற்சி நிலையம்

புதிய தலைமுறை நீர்மூழ்கிக் கப்பல்களை இயக்கும் ஆற்றலைப் பெறும் வகையில் சிங்கப்பூர் குடியரசு கடற்படை தனது பயிற்சி நிலையத்தை மேம்படுத்தி உள்ளது.

இன்வின்சிபல்’ வகையைச் சேர்ந்த நீர்மூழ்கிக் கப்பல்கள் இங்கு இருந்தாலும் மேம்படுத்தப்பட்ட பயிற்சி நிலையம் ஐந்தாவது நீர்மூழ்கி என்று வருணிக்கப்படும் வகையில் அமைக்கப்பட்டு உள்ளது.

சாங்கி கப்பல் தளத்தின் ஆர்எஸ்எஸ் சிங்கப்பூராவில் உள்ள அந்த நீர்மூழ்கிப் பயிற்சி நிலையத்தில் பல்வேறு பாவனைக் கருவிகள் (சிமுலேட்டர்) உள்ளன. அவை நவீன நீர்மூழ்கிக் கப்பலின் வடிவத்தில் அமைக்கப்பட்டு உள்ளன.

சிங்கப்பூர் குடியரசுக் கடற்படையில் நடைபெறும் ஒன்பது மாதப் பயிற்சியில் அந்தப் பாவனைக் கருவிகள் முக்கியப் பங்கை வகிக்கின்றன.