‘வில்லன் ஆக விரும்பினேன்'

நடிகர் ஷாம் திரையுலகில் நடிக்கத் தொடங்கி 20 ஆண்டுகள் கடந்துவிட்டன.

தொடக்கத்தில் 'சாக்லெட் பாய்' எனப்படும் அழகான இளம் நாயகனாக நடித்த ஷாம், '12-பி', 'லேசா லேசா', ‘இயற்கை' உள்ளிட்ட பல வெற்றிப் படங்களைத் தந்தார்.

பிறகு யார் கண்பட்டதோ, சில ஆண்டுகளுக்கு எதிர்பார்த்த வாய்ப்புகள் கிடைக்கவில்லை. அதனால் அவரை வெள்ளித்திரையிலும் காண முடியவில்லை.

நீண்ட இடைவெளிக்குப் பிறகு தெலுங்கில் உருவான 'கிக்' என்ற படத்தில் நல்ல கதாபாத்திரத்தில் நடித்தார் ஷாம். அதுதான் தமது திரைப்பயணத்தில் அடுத்த திருப்புமுனையைத் தந்த படம் என்கிறார் ஷாம்.

இந்நிலையில், விஜய்யின் 'வாரிசு' படத்திலும் இயக்குநர் விஜய் மில்டனின் 'கோலி சோடா ரைசிங்' என்ற இணையத்தொடரிலும் எதிர்மறை கதாபாத்திரத்தில் நடித்துள்ளார் ஷாம்.

“இயக்குநர் விஜய் மில்டன், 'வாரிசு' படம் வெளியான இரண்டு மாதங்களுக்கு பிறகு என்னைத் தொடர்பு கொண்டார். இதில் முதன்முறை யாக ஒரு குண்டர் கும்பலின் தலைவனாக நடித்துள்ளேன்.

“சென்னை காசிமேடு துறை முகத்தை தனது கட்டுப்பாட்டுக்குள் கொண்டுவந்து அட்டூழியம் செய்யும் ரவுடி என்றாலும், தன் மனைவியிடம் மிக மென்மையாக பாசம் காட்டும் இன்னொரு முகமும் அவனுக்கு உண்டு.