‘மரணம் என்பது உடலுக்குத்தான்; எங்கள் நட்புக்கு அல்ல’

இந்தியத் தொழிலதிபர் ரத்தன் டாடாவின் மறைவு அவரது உடலுக்குத்தான், அவரது நினைவுகளுக்கு அல்ல என்று அவரது நண்பர்கள் தெரிவித்தனர்.

- இளவரசி ஸ்டீஃபன்‌

வெற்றிகரமான தொழிலதிபர், கனிவுமிக்கவர், கொடையாளர் என்று அனைத்துலக அளவில் போற்றப்படும் திரு டாடாவின் மறைவிற்கு இந்தியா தொடங்கி இஸ்ரேல் வரையில் நினைவஞ்சலி செலுத்தப்பட்டது.

இந்நிலையில், மறைந்த திரு டாடாவுடன் நேரடியாகப் பழகும் வாய்ப்பைப் பெற்றிருந்தவர்கள் அவருடனான தங்கள் நினைவுகளைப் பகிர்ந்துகொண்டனர்.

திரு டாடாவுடனான நட்பு எப்படித் தொடங்கியது என்று விவரித்தார் இளம் இந்திய விமானி யான சமீர் அனிஸ் ராவத், 33.

“2013ஆம் ஆண்டு, அலிபாக் கில் கடற்கரையோரமாக மாதிரி விமானத்தை இயக்கிக்கொண்டு இருந்த நான் பல்வேறு முயற்சிகளுக்குப் பிறகு வெற்றிகரமாக இயக்கியதைப் பார்த்து எனக்குப் பாராட்டு தெரிவித்தார் ஒரு பெரியவர்.

"அவர்தான் என்னை உற்சாகப்படுத்தினார்; என் கைப்பேசி எண்ணைக் குறித்துக்கொண்டார்.

நானும் என் வீட்டிற்குச் சென்று விட்டேன். அன்றிரவு 'மீண்டும் சந்திப்போம் - இப்படிக்கு ரத்தன் டாடா' என்றொரு குறுஞ்செய்தி வந்தது. அதனை திரு டாடா."

அப்போது எனக்கு 23 வயது. அவருக்கு 76 வயதிருக்கும். இவ்வளவு பெரிய செல்வந்தர் என்னை நினைவில் வைத்துச் செய்தி அனுப்புகிறாரே என்று வியந்தேன். ஆனாலும், எங்கள் வயதைக் கருத்தில்கொண்டு நான் மூப்படையும்வரை வெகு காலம் என் நண்பர் என்னுடன் பயணம் செய்யமாட்டாரே என்ற கலக்கம் இருந்தது.

"எங்கள் நட்புக்கு விலை, பிரிவு என்று தெரிந்தும் அந்த மாமனிதர் உடனான நட்பைத் தொடர முடிவுசெய்தேன்," என்று துயரத்துடன் கூறினார் திரு சமீர்.

"திரு டாடாவின் பண்ணை வீடு அலிபாக்கில் உள்ளது.

எனவே, அங்கு அவர் செல்லும் போதெல்லாம் பலமுறை அவரைச் சந்தித்துப் பழகும் வாய்ப்பு எனக்குக் கிட்டியது," என்று நினைவுகூர்ந்தார் திரு சமீர்.

‘பணத்தை அல்ல, மனத்தை மதிப்பவர்’

ஒருமுறை அவருடனான சந்திப்பு பின்ன்போது விமானம் ஒன்று நின்றிருக்கக் கண்டேன். அருகில் சென்று அதனைத் தொட்டுப் பார்க்கலாமா என்று கேட்டதற்கு, என்னையும் தம்முடன் அந்த விமானத்திலேயே பறக்கச் செய்தார் திரு டாடா.