பக்திப் பரவசம் பொங்கிய தீமிதித் திருவிழா

ஸ்ரீ மாரியம்மன் கோயிலில் ஞாயிற்றுக்கிழமை (அக்டோபர் 20) மாலை கிட்டத்தட்ட 3,800 பக்தர்கள் பூக்குழி இறங்கி தங்கள் வேண்டுதல்களை நிறைவேற்றினர்.

- அனுஷா செல்வமணி

பத்தாயிரத்திற்கும் மேற்பட்ட பக்தர்கள், பார்வையாளர்களுடன் கலாசார, சமூக, இளையர் துறை அமைச்சரும், சட்ட இரண்டாம் அமைச்சருமான எட்வின் டோங்கும் தீமிதித் திருவிழாவில் கலந்துகொண்டு சிறப்புச் சேர்த்தார்.

தலைமைப் பண்டாரம் வேணு கோபால் திருநாவுக்கரசு, கரகம் சுமந்து பக்தர்கள் பின்தொடர, பெருமாள் கோயிலிலிருந்து நான்கு கிலோமீட்டர் தூரம் நடந்து மாரியம்மன் கோயிலை மாலை 6.15 மணி அளவில் சென்றடைந்தார். கோயிலின் முகப்பில் நாயன நாதத்திற்கும் தவிலின் தாளத்திற்கும் கரகம் ஆடி, மாலை 6.25 மணிவாக்கில் பூக்குழி இறங்கினார். அவரைத் தொடர்ந்து வரிசையாக ஆண்கள் பூக்குழி இறங்கினர்.