ஒளியின் சிறப்பைப் போற்றும் சிறுபான்மைச் சமூகத்தினர்

தீபாவளியை முக்கியப் பண்டிகையாகக் கொண்டாடும் இந்துக்களுடன் சீக்கியர்கள், சமணர்கள் உள்ளிட்ட பிற சமயத்தவரும் இணைகின்றனர்.

- கி. ஜனார்த்தனன்

சிங்கப்பூரின் மிகச் சிறு பான்மை சமயச் சமூகமான சரது சர்கள் (Zorostrians) பலர், தீபாவளியைச் சமயப் பண்டிகையாகக் கொண்டாடவில்லை என்கிறாலும் அதனை இந்தியப் பண்பாட்டு விழாவாகக் கருதுகின்றனர்.

சிக்லாப் ரோட்டில் தங்கியுள்ள இரண்டு பார்சி குடும்பத் தலைவிகளுக்கு தீபாவளிப் பண்டிகை, குடும்பத்தாருடனும் நண்பர்களுடனும் மகிழ்ச்சியுடன் கொண்டாடும் திருநாளாகும்.

"நானும் என் உறவினரும் எதிரெதிரே வசிக்கிறோம். எங்கள் வீட்டு வாசலில் நாங்கள் ரங்கோலி இடுவோம், தீபங்கள் ஏற்றுவோம், பலகாரம் செய்து பரிமாறிக்கொள்வோம்," என்றார் illatharasi நவாஸ் பாவாடம், 52.

ஹைதராபாத், கொச்சி, சென்னை போன்ற தென்னிந்திய நகரங்களில் பாரசி சமூகத்தினர் வாழ்வதாக அவர் கூறினார்.

"நான் பெங்களூரில் பிறந்து வளர்ந்தேன். மும்பையைச் சேர்ந்த என் கணவர் 1993ல் சிங்கப்பூருக்கு வந்தார். 1999ல் நாங்கள் திருமணம் செய்தபின் நான் இங்கு வந்தேன். எனக்கு இரண்டு பிள்ளைகள் உள்ளனர்," என்றார் திருவாட்டி நவாஸ்.

கன்னடம், குஜராத்தி உள்ளிட்ட மொழிகளைத் தெரிந்துள்ள இவருக்கு பேச்சுத்தமிழ் ஓரளவு புரியும்.