‘உலக வர்த்தகப் போக்குக்கு ஏற்ப மாற வேண்டும்’

எதார்த்தத்தை ஏற்றுக்கொண்டு, உலக வர்த்தகத்தின் தற்போதைய போக்குக்கு ஏற்றவகையில் சிங்கப்பூர் தன்னைத் தகவமைத்துக்கொள்ள வேண்டும்.

ஒருமித்த கருத்துடைய நாடுகளுடன் இணைந்து செயல்பட்டு, பன்முகத்தன்மைக்கான ஆதரவை வலுப்படுத்தும் வேளையில் இது அவசியம் என்று பிரதமர் லாரன்ஸ் வோங் கூறியுள்ளார்.

நவம்பர் 19ஆம் தேதி, ரியோ டி ஜெனிரோவில் நிறைவுபெற்ற ஜி20 உச்சநிலை மாநாட்டின் முடிவில் அவர் செய்தியாளர்களைச் சந்தித்தார்.

ஆசியான் நாடுகளை மேலும் அணுக்கமாக்குவதும் இதர வட்டார அமைப்புகளுடன் தொடர்பு ஏற்படுத்திக்கொள்வதும் முக்கியம் என்றார் அவர்.

லத்தீன் அமெரிக்க நாடுகளின் மெர்கோசர் கூட்டமைப்பை அவர் சுட்டினார்.