தீவிரவாதப் போக்கு ஏற்படுத்தும் தாக்கத்திலிருந்து சமூகத்தைப் பாதுகாக்க இளையோர் உதவலாம்

இணையத்தில் தீவிரவாதப் போக்கு ஏற்படுத்தும் தாக்கம் அதிகரித்துள்ள நிலையில், அது தொடர்பான கலந்துரையாடல்களை நடத்துவதில் தங்களுக்குப் பங்குண்டு என்று பயங்கரவாத எதிர்ப்பு தொடர்பான கருத்தரங்கு ஒன்றில் கலந்துகொண்ட இளையோர் கற்றுக்கொண்டனர்.

அந்தக் கருத்தரங்கில் கலந்து கொண்ட கலாசார, சமூக, இளையர்துறை துணை அமைச்சர் ஆல்வின் டான், பரஸ்பர மரியாதையையும் புரிந்துணர்வையும் கொண்ட கலாசாரத்தை உருவாக்க இளையோர் உதவலாம் என்று கூறினார். இது, தீவிரவாதப் போக்கால் ஏற்படும் தாக்கத்திலிருந்து சமூகத்தைப் பாதுகாக்கும் என்றார் அவர்.

'தீவிரவாதப் போக்கு பாரபட்சம் பார்க்காதது. அது யாரை வேண்டுமானாலும் பாதிக்கலாம். நாம் இணையத்திலும், இணையத்திற்கு வெளியிலும் விழிப்புடன் இருக்க வேண்டும்," என்று அவர் கூறினார்.