உ.பி.பள்ளிவாசலில் ஆய்வுசெய்வதைக் கண்டித்து போராட்டத்தில் வன்முறை

உத்தரப்பிரதேச மாநிலத்தின் சம்பல் பகுதியில் ஷாஷி ஜமா பள்ளிவாசல் உள்ளது.

இது மொகலாயர்கள் காலத்தில் கட்டப்பட்டது. இது அங்கிருந்த கோயில் பள்ளிவாசலாக மாற்றப்பட்டதாக நீதிமன்றத்தில் வழக்குத் தொடரப்படுள்ளது. அந்த வழக்கை விசாரித்த நீதிமன்றம், பள்ளிவாசலை ஆய்வு செய்யக் குழு அமைத்து உத்தரவிட்டது.

அதன் அடிப்படையில், ஆய்வுக்குழுவினர் ஞாயிற்றுக்கிழமை காலையில் பள்ளிவாசலில் ஆய்வு மேற்கொள்ளச் சென்று இருந்தனர். அப்போது ஏராளமானோர் அங்கு கூடி அந்த ஆய்வுக்குழுவினருக்கு எதிர்ப்புத் தெரிவித்தவாறு முழக்கமிட்டனர்.