கென்யாவின் இந்தியக் கலாசாரத்தை உணரவைத்த நட்பப்பயணம்

கென்யாவில் இந்தியத் திருமணங்களில் ஆப்பிரிக்கப் பாடல்களும் இசைக்கப்படும் என்றதை என் தோழி பகிர்ந்து வலைகொண்டபோது எனக்கு அதிர்ச்சியாக இருந்தது.

- அனுஷா செல்வமணி

அதுவரை வெளிநாடுவாழ் இந்தியர்களின் திருமணங்களில் இந்திய பாடல்கள்தான் ஒலிக்கும் என்ற எண்ணம் கொண்டிருந்தேன். ஆனால் எனக்குப் பரந்த ஒரு பார்வையை அண்மையில் நான் மேற்கொண்ட வெளிநாட்டு பயணம் தந்தது.

இந்திய வெளியுறவு அமைச்சு ஏற்பாடு செய்திருந்த 'நோ இந்தியா புரோகிராம்' எனும் திட்டத்தின் 79வது சந்திப்பில் கலந்து கொண்ட எனக்கு, இந்தியாவிலிருந்து புலம்பெயர்ந்து இதர நாடுகளிலிருக்கும் செய்தியாளர்களை இந்தியாவில் சந்திக்கும் அரிய வாய்ப்பு கிடைத்தது.

அதில் கென்யாவைச் சேர்ந்த மெஹெக் தகர் எனும் 24 வயது டைய பெண்ணுடன் நெருங்கிய நட்பை நான் வளர்த்துக்கொண்டதுடன் வெளிநாட்டில் வாழும் இந்தியர்களின் வாழ்க்கை அனுபவங்கள் எவ்வாறு இருக்கும் என்பதையும் அறிந்துகொண்டேன்.

கென்யாவின் தலைநகர் நைரோபியில் வசித்து வரும் மெஹெக், மார்வாடி இனத்தைச் சேர்ந்தவர். அவருடைய பாட்டி நைரோபியில் பிறந்து வளர்ந்ததாகக் கூறிய மெஹெக், தம்முடைய குடும்பத்தினர் பல தலைமுறைகளாக கென்யாவில் இருப்பதாகச் சொன்னார்.

சிங்கப்பூர், மலேசியா போன்ற நாடுகளில் இருக்கும் இந்தியர்கள் பலர் இன்னும் இந்தியக் கலாசாரத்தையும் பாரம்பரியத்தையும் ஆழமாகப் பின்பற்றி வருகின்றனர். அதேபோல், கென்யாவிலும் அத்தகைய பழக்கம் தொடர்கிறது என்று நான் அறிந்து வியந்துபோனேன்.