அமெரிக்கா-இந்தியா வர்த்தக ஒப்பந்தப் பேச்சில் முன்னேற்றம்

வர்த்தக வரிகள் உள்ளிட்ட கட்டுப்பாடுகளின் தளர்வு குறித்து இந்தியா, அமெரிக்கா ஆகிய இரு நாடுகளின் வர்த்தக அதிகாரிகள் புதுடெல்லியில் கலந்துரையாடியுள்ளனர்.

இருநாட்டு வர்த்தக ஒப்பந்தத்தை அடைவதற்கான முன்னேற்றங்களை மேற்கொண்டுள்ளதாகவும் அவர்கள் சனிக்கிழமையன்று (மார்ச் 29) கூறியுள்ளனர்.

இந்திய வர்த்தக அமைச்சையும் அமெரிக்க வர்த்தகக் குழுவையும் சேர்ந்த அதிகாரிகள், இது குறித்த பேச்சுவார்த்தைகளில் கடந்த சில நாள்களாக ஈடுபட்டு வந்தனர்.

வர்த்தக இடையூறுகளைக் குறைத்து நியாயமான, சமச்சீரான உறவை அடைவது பற்றி அமெரிக்க வெளியுறவு துணை அமைச்சர் கிறிஸ்டஃபர் லாண்டோ, இந்திய வெளியுறவுச் செயலாளர் விக்ரம் மிஸ்ரியுடன் பேசியிருந்ததாகச் செய்தியாளர்களிடம் தெரிவித்தார்.