ભાજપ પાસે વોશિંગ મશીન નહીં પરંતુ ‘મોટી લોન્ડ્રી’ છેઃ અભિષેક મનુ સિંઘવી

સરકાર સામ, દામ, દંડ, ભેદ નીતિ અપનાવી રહી છે વિટામિન M (મની), મશીન (ઇવીએમ), મશીનરી (સરકારી એજન્સીઓ) મેનપાવરનો દુરુપયોગ કરી ડર, ભયનું ભાજપ સરકારે ‘કોકટેલ’ બનાવ્યું છે ભાજપના 417માંથી 116 ઉમેદવાર તો વિવિધ પક્ષોમાંથી આવ્યા છે

કોંગ્રેસના વરિષ્ઠ નેતા અને પૂર્વ સાંસદ ડો. અભિષેક મનુ સિંઘવીએ રવિવારે જણાવ્યું હતું કે, નાણાં, મશીનરી અને મેનપાવરનો દુરુપયોગ ભાજપ કરી રહ્યો છે. ભાજપ પાસે વોશિંગ મશીન નહીં પરતું ‘મોટી લોન્ડ્રી' છે. વિટામિન M (મની), મશીન (ઇવીએમ), મશીનરી (સરકારી એજન્સીઓ) મેનપાવરના દુરુપયોગ સાથે ડર, ભયનું ભાજપ સરકારે ‘કોકટેલ’ બનાવ્યું છે. અમદાવાદના માદલપુર સ્થિત કોંગ્રેસ પ્રદેશ કાર્યાલય રાજીવ ગાંધી ભવનમાં આયોજિત પત્રકાર પરિષદમાં તેમણે વધુમાં જણાવ્યું હતું કે સુરતમાં તાજેતરની જીત થકી લોકતંત્રને નબળું પાડવાનું અને લોકશાહીના સિદ્ધાંતોનું ઉલ્લંઘન કરવાનું કામ ભાજપે કર્યું છે.