ટ્રકચાલકે મહિલાને લિફ્ટ આપ્યા બાદ બળાત્કાર ગુજાર્યો, પુત્રીને ટ્રકમાંથી ફેંકી દઇ હત્યા કરી નાખી

ક્રૂર ટ્રક ડ્રાઈવર ધોળકા સરોડા હાઇવે પરની આર્યવ્રત સોસાયટી પાસેનો બનાવ કારચાલકે ટ્રક ડ્રાઇવરનો પીછો કરીને ઝડપી પાડી પોલીસ હવાલે કર્યો

અમદાવાદમાં રહેતી એક મહિલા પીપળજ ખાતે તેના ઘરે ગઇ હતી. ત્યાંથી પરત આવતી વખતે નારોલ જવા તેણે એક ટ્રકચાલક પાસે લિફ્ટ માંગી હતી. ટ્રકચાલકે અવાવરૂ જગ્યાએ લઇ જઇને મહિલાને ધમકાવીને તેની પર બળાત્કાર ગુજાર્યો હતો. બાદમાં તેને ઉતારી દઇને ટ્રકની કેબિન માંથી મહિલાની પુત્રીને ફેંકી તેની પર ટ્રક ચડાવી દઇને હત્યા કરી નાખી હતી. એક કારચાલકે મહિલાને મદદ કરીને આ ટ્રકચાલકનો પીછો કરીને તેને ઝડપી પાડી પોલીસ હવાલે કરતા પોલીસે વધુ તપાસ હાથ ધરી છે.