પ્રેમીએ પ્રેમિકાના આધારકાર્ડમાં ચેડાં કરી હોટલમાં એન્ટ્રી મેળવતા હોબાળો

યુવક અને યુવતી અલગ ધર્મના હોવાથી વસ્ત્રાપુર પોલીસે ગુનો નોંધી વધુ તપાસ હાથ ધરી

જજીસ બંગલો રોડ પર આવેલી એક હોટલમાં એક યુવક અને તેની પ્રેમિકાએ એન્ટ્રી લીધી હતી. જે યુવક હતો તેણે તેની પ્રેમિકાના આધારકાર્ડમાં છેડછાડ કરી-એડિટીંગ કરીને નામઠામ બદલીને એન્ટ્રી લીધી હોવાનું વિશ્વ હિન્દુ પરિષદ અને બજરંગ દળના કાર્યકરોને જાણવા મળ્યું હતું. જેથી આ કાર્યકર્તાઓ તાત્કાલિક હોટલ ખાતે પહોંચી ગયા હતા. જ્યાં આ યુવકને ઝડપી પાડી પોલીસને હવાલે કર્યો હતો. જેથી વસ્ત્રાપુર પોલીસે આ મામલે ખરાઇ કરીને બંને સામે ગુનો નોંધી તપાસ શરૂ કરી છે.