కాళేశ్వరం.. వరంకాదు కళంకం

• ఈ పాపాలకు కారణం మామా అల్లుళ్లే..  • వారి కమిటీయే వద్దన్నా నిర్మించారు.. • దోచుకొని దాచుకునేందుకు మేడిగడ్డ • నీటిపారుదల శ్వేతపత్రంపై చర్చలో సిఎం రేవంత్

హైదరాబాద్, ఫిబ్రవరి 17, ప్రభాతవార్త: తుమ్మిడిహట్టి దగ్గర కాకుండా మేడిగడ్డ దగ్గర ప్రాజెక్టు కడితే నిరుపయోగమని వారేసిన నిపుణుల కమిటీ చెప్పినా గత ప్రభుత్వం పెడచెవిన పెట్టిం దని సిఎం రేవంత్రెడ్డి ఆగ్రహం వ్యక్తం చేశారు.ఈస్పైడర్ మ్యాన్కు ఏ దేవుడు కలలోకి వచ్చి మేడిగడ్డ దగ్గర ప్రాజెక్టు కట్టమని చెప్పారో తెలియదని ఎద్దేవా చేశారు. నీళ్లకు నడకలు, నెమలికి నాట్యం నేర్పిన వ్యక్తికి తెలంగాణ అప్పగిస్తే చెదలు పట్టించారని సంచలన ఆరోపణలు చేశారు.గత ప్రభుత్వం దోచుకోవాలి, దాచుకోవాలి..తెలంగాణ ఖజానా కొల్లగొట్టాలనే కుట్రతోనే పనిచేసిందని సిఎం రేవంత్రెడ్డి ఆగ్రహం వ్యక్తం చేశారు. "తెలంగాణకు కాళేశ్వరం వర ప్రదాయిని కాదు.. తెలంగాణ ప్రజలకు అంటిన కళంకం..సిగ్గుతో తలొంచుకునే పరిస్థితి తీసుకొచ్చి నిస్సిగ్గుగా ప్రశ్నిస్తారా... తొండిగా మాట్లాడుతారా" అని బిఆర్ ఎస్పై సిఎం రేవంత్రెడ్డి నిప్పులు చెరిగారు. నమ్మి తెలంగాణను చేతిలో పెడితే దోచుకున్నారని, ఈ పాపాలకు మామా అళ్లుడు ఇద్దరే కారణమని ఆరోపించారు. "మేడిగడ్డ వద్ద ప్రాజెక్టు నిర్మిస్తే నిరుపయోగమని ఈ కమిటీ చెప్పింది. ఈ నివేదికను తొక్కిపెట్టి మామా అళ్లుళ్లు ప్రాజెక్టు నిర్మించారు. ఈ పాపానికి కారకులు వీళ్లే" అని సిఎం రేవంత్రెడ్డి సంచలన వ్యాఖ్యలు చేశారు.నీటిపారుదల రంగంపై తెలంగాణ ప్రభుత్వం శనివారం శాసనసభలో శ్వేతపత్రం విడుదల చేసింది.