200పైగా విమానాల్లో చోరీలు

100రోజుల్లోనే వేలాది కిలోమీటర్లు ప్రయాణం దొంగతనాల్లో బయటపడిన నయాట్రెండ్

న్యూఢిల్లీ, మే 14: వందరోజుల్లో వేలాది కిలోమీటర్లు ప్రయాణించాడు. చాకచక్యంగా కనెక్టింగ్ విమానసర్వీసుల్లోని ప్రయాణీకులనే టార్గెట్చేసుకున్నాడు. విలువైన ఆభరణాలను చోరీచేయడం ప్రారంభించాడు. ఢిల్లీ పోలీసులు పట్టుకున్న నిందితుడి వివరాలు చెపుతుంటే ఆశ్చర్యంగా ఉన్నాయి. వందరోజుల్లోనే 200 విమానాల్లో ప్రయాణించి దొంగతనాలు చేసి విలువైన వస్తువులు దోచుకుపోయాడు. కొత్త స్టైల్ ని దొంగతనాలను ఢిల్లీ పోలీసులు ఒక మహిళ ఫిర్యాదుతో ఛేదించారు. హైదరాబాద్ నుంచి ఢిల్లీకివెళ్లేందుకు ఒక మహిళ విమానం ఎక్కింది. తన బ్యాగ్ లో ఉన్న ఏడు లక్షల విలు వైన ఆభరణాలు చోరీజరిగిందని ఫిర్యాదు చేసింది. అమెరికానుంచే మరో వ్యక్తికూడా ఫిర్యాదుచేసాడు. సుమారు 20 లక్షల విలువైన ఆభరణాలు కేబిన్ బ్యాగ్ దొంగిలించారని ఫిర్యాదులో వివరించాడు.