కప్ప-కొంగ స్నేహం

ఒక మడుగులో కొన్ని చేపలు, కప్పలు ఉండేవి. అవి ఎంతో అన్యోన్నంగా ఉండేవి. ఆ కప్పలలో ఒక తెలివైన కప్ప ఉండేది. ఆ  చేపలు, కప్పలు, తమకు ఏ ఆపద వచ్చినా దాని సాయం కోరేవి.

- - సంగనభట్ల చిన్న రామకిష్టయ్య,

ఒక మడుగులో కొన్ని చేపలు, కప్పలు ఉండేవి. అవి ఎంతో అన్యోన్నంగా ఉండేవి. ఆ కప్పలలో ఒక తెలివైన కప్ప ఉండేది. ఆ  చేపలు, కప్పలు, తమకు ఏ ఆపద వచ్చినా దాని సాయం కోరేవి. అది వాటి సమస్యలను తన తెలివితో పరిష్కరించి ఆపద నుండి వాటిని గట్టెక్కించేది.ఇలా ఉండగా అక్కడకు చేపల శత్రువు అయిన ఒక పెద్ద కొంగ వచ్చింది. అది రాగానే చేపలన్నీ భయపడి ఆ కప్పకు తమ గోడును వెళ్లబోసుకున్నాయి. అప్పుడు కప్ప వాటికి అభయం ఇచ్చి ఆ కొంగ వద్దకు వచ్చి 'ఓ కొంగా! ఈ మడుగులోని 'చేపలను నీవు ముట్టవద్దు' అని అంది. అప్పుడు కొంగ 'నేను ఈ చేపల కొరకు రాలేదు. నీవు చాలా తెలివిగల దానివని విన్నాను. నీ స్నేహాన్ని కోరి వచ్చాను. నేను ఒక్క చేపను కూడా ముట్టను' అని అంది. అప్పుడు కప్ప సంతోషించి దానితో స్నేహం కొనసాగించింది.