'సంఘీ' భావం

నెల రోజుల వ్యవధిలోనే సన్నాలు రకం బియ్యం ధరలకు ఒక్కసారిగా రెక్కలు వచ్చాయి. సామాన్యుడు కొనుగోలు చేయలేని స్థాయికి ధరలు చేరాయి.

- - డాక్టర్ గిరీష్ కుమార్ సంఘీ

అందనంత ఎత్తులో సన్నాలు బియ్యం

నెల రోజుల వ్యవధిలోనే సన్నాలు రకం బియ్యం ధరలకు ఒక్కసారిగా రెక్కలు వచ్చాయి. సామాన్యుడు కొనుగోలు చేయలేని స్థాయికి ధరలు చేరాయి. బాస్మతి బియ్యం ధరలకు సమీపానికి క్రమంగా సన్నాలు చేరుతున్నాయి. తెలుగు రాష్ట్రాల్లో ప్రజలు ఎక్కువగా సన్నాలు రకం బియ్యాన్ని కొనుగోలు చేస్తుంటారు. రేషన్ షాపుల్లో ఇస్తున్న బియ్యం నాసిరకంగాను, దొడ్డుగాను ఉండటంతో కేవలం ఇడ్లీలు, దోసెలు వంటి టిఫిన్లు తయారీకి మాత్రమే ఉపయోగిస్తున్నారు. మధ్యాహ్నం, రాత్రి భోజనాల్లో  మాత్రం సన్నాలు లేకపోతే ముద్దదిగే పరిస్థితి లేదు. సన్నాలు రకం బియ్యంలో అనేక రకాలు మార్కెట్లో లభిస్తుంటాయి, హెచ్ఎంటి, రా రైస్, బిపీటి, ఆర్ఎన్ఆర్ వంటివి లభిస్తున్నాయి.ఈ రకం బియ్యం రెండు మూడు నెలల క్రితం వరకు కిలో 45 నుంచి 50 రూపాయల వరకు ధర పలికేది. దీనితో మధ్యతరగతి కుటుంబాలు ఈ బియ్యాన్నే ఎక్కువగా కొనుగోలు చేస్తుంటాయి.ప్రస్తుతం మార్కెట్లో బియ్యం దిగుబడి గణనీయంగా తగ్గిందని చెబుతూ ధరలను అమాంతం పెంచేశారు.