భావోద్వేగ నియంత్రణ

నాటి పాతరాతియుగం నుంచి నేటి డిజిటల్ పరిణామక్రమంలో యుగం వరకు మానవ ఊహించలేనంత సమూల మార్పులను చవిచూసింది ప్రపంచ మానవాళి. ఉరుకులు పరుగుల జీవితంలో నవ్య నరుడికి విశ్రాంతి కొరవడింది. తెలియని దాని వెంట గుడ్డిగా పరుగు తీస్తున్నది నవయువత. అరచేతిలో స్మార్ట్ఫోన్ వైకుంఠం మనిషిని నిద్రపోనివ్వడం లేదు.ఆరోగ్యంగానే ఉన్నామనుకుంటున్న మనుషులకు ఏదో తెలియని వెలితి వెంటాడుతున్నది. 

క్షణక్షణం మారుతున్న భావోద్వేగాలు నరుడి మానసిక ఆరోగ్యాన్ని హరిస్తున్నాయి. భావోద్వేగ నియంత్రణ తెలిసినవాడే ఘనుడని వర్గీకరిస్తు న్నారు. గెలుపు, ఓటమి, ప్రమాదం, ప్రమోద, సంక్షోభ సమయాల్లో నియంత్రణ కలిగి మనిషి వ్యక్తం చేసే విధానమే అతని వ్యక్తిత్వాన్ని నిర్వచిస్తున్నది. భావోద్వేగ నియంత్రణ తెలిసిన యువతను ఆకర్షణీయ వేతనంతో కూడిన ఉద్యోగాలు ఆహ్వానిస్తున్నాయి. ఆరోగ్యకర మానసిక స్థితికి జీవితంలో ఎదురువుతున్న పలు వాంఛనీయ, అవాంఛనీయ సందర్భాల్లో ఆత్మవిశ్వాసంతో సమతుల్యతతో ప్రవర్తించడం అనేది ఓ అద్భుత కళ అని నమ్మాలి. మన మానసిక ఆరోగ్యాన్ని వయస్సు, వృత్తి, లింగ, సామాజిక స్థాయి, ఆర్థిక వనరులు లాంటివి ప్రభావితం చేస్తున్నాయి.

బావోద్వేగాలు పలు రకాలు