ఎవరి పట్ల కరుణ చూపాలి?

ఎవరి పట్ల కరుణ చూపాలి?

- యామిజాల జగదీశ్

ఈ ప్రపంచంలో కరుణ చూపించడమనేది ఎంతో ముఖ్యమైన అంశమే. అలాగని అందరి పట్ల కరుణ ' చూపిస్తూ ఉండలేం. పోతేపోనీ.. అని కరుణ చూపించామో మన పాట్లు అన్నీ ఇన్నీ కావు.

ఓ పిచ్చికుక్క మిమ్మల్ని కరవడానికి వచ్చిందనుకున్నాం.. అయ్యో! పాపం కుక్కే కదా తన వంతుగా కరవనీ అని కాలు చూపిస్తారా? లేదుగా.అటువంటప్పుడు పని చేయవలసింది మెదడు చటుక్కున అప్రమత్తమై దానికి దొరక్కుండా జాగ్రత్త పడటం మన కర్తవ్యం.

ఓ పెద్దాయన ఏదో పని మీద పొరుగూరికి వెళ్లి ఇంటికి తిరిగొస్తున్నారు.ఆయన వస్తున్న సమయానికి చీకటి పడింది. ఆయన ఓ అడవి మార్గంలో వస్తున్నారు. ఓ పొదల మాటున ఉన్న పులి ఒకటి ఆయనను చూసింది.ఊరుకుంటుందా... తన ఆకలి తీర్చుకోవడానికి ఆయన మీద పంజా విసరడానికి పరుగెత్తుకుంటూ వచ్చింది.పెద్దాయన పులిని చూశారు. ఏం చేయాలో తోచలేదు.అప్పటికప్పుడు ఆయన ఓ చెట్టు వెనుక దాక్కున్నారు. పరుగున వెళ్లిన పులి మనిషి కనిపించకపోవడంతో నిరాశ చెంది ఓ చెట్టు ముందర ఆగింది.మనిషి కనిపిస్తే లాగించెయ్యాలన్నదే దాని ఆలోచన.