ഭൗതിക സാഹചര്യങ്ങളല്ല, ആത്മസമർപ്പണമാണ് പ്രധാനം

ചക്രവർത്തിയും വിഷ്ണദാസനും ഒത്തൊരുമയോടെ സദ്പ്രവൃത്തികൾ തുടർന്ന് ദീർഘകാലം ജീവിച്ചു.

- സംഗീത മധു

ഹൃദമിത്ര ചക്രവർത്തി ദയാശീലനും ദാനശീലനും സദ്ഭരണകർത്താവുമായിരുന്നു. വളരെയധികം ദൈവവിശ്വാസിയായ അദ്ദേഹം പ്രജകളുടെ ക്ഷേമം, ഐശ്വര്യം, സമാധാനം എന്നിവയ്ക്കാണ് പ്രാധാന്യം നൽകിയിരുന്നത്.

അങ്ങനെയിരിക്കെ, ഒരിക്കൽ അദ്ദേഹം ഒരു വിഷ്ണുക്ഷേത്രത്തിൽ ദർശനത്തിനും വഴിപാട് സമർപ്പിക്കാനായും എത്തി. സ്വർണ്ണ ഇരിപ്പിടം, മണികൾ, പൊന്നാഭരണങ്ങൾ തുടങ്ങി ധാരാളം അമൂല്യവസ്തുക്കൾ ഭഗവാന് കാണിക്കയായി സമർപ്പിച്ചു. ഒരു മഹാരാജാവിന് അനുയോജ്യമായ വിധത്തിലെ കാണിക്കകൾ ആയിരുന്നു എല്ലാം.

അധികം വൈകാതെ വിഷ്ണുദാസൻ എന്ന ഒരു വൃദ്ധഭക്തൻ അവിടെ ഭജനമിരിക്കാൻ എത്തി. അദ്ദേഹം കയ്യിൽ കരുതിയിരുന്ന തുളസീദളങ്ങൾ ഭക്തിപൂർവ്വം ഭഗവത് വിഗ്രഹത്തിൽ ചാർത്തി. എന്നാൽ അത് മഹാരാജാവ് ചാർത്തിയ സ്വർണ്ണാഭരണങ്ങളെ മറച്ചുകളഞ്ഞു. അതുകണ്ട് ചക്രവർത്തിക്ക് കോപം അടക്കാനായില്ല. അദ്ദേഹം വിഷ്ണുദാസനോട് ക്ഷോഭിച്ചു.