ബഹുഭാര്യാഭർതൃ വിചാരം

ശ്രീകൃഷ്ണന് പതിനാറായിരത്തി എട്ട് ഭാര്യമാരുണ്ടായിരുന്നുവെന്നൊരു വിശ്വാസം നിലവിലുണ്ട്

- ശങ്കരാടിൽ മുരളി 9074507663

ശ്രീകൃഷ്ണന് പതിനാറായിരത്തി എട്ട് ഭാര്യമാരുണ്ടായിരുന്നുവെന്നൊരു വിശ്വാസം നിലവിലുണ്ട്. യുക്തിവാദികളുടെ പരിഹാസം, വിമർശകരുടെ ആക്ഷേപശരങ്ങൾ, മറ്റുപല തലങ്ങളിൽ നിന്നും ഗവേഷണങ്ങൾ.(പ്രീഡിഗ്രി തോറ്റു ജയിച്ചവർക്ക് ഡോക്ടറേറ്റ് കിട്ടി വിലസുന്ന നമ്മുടെ നാട്ടിൽ ഈ സബ്ജറ്റിന് നല്ല സ്കോപ്പുണ്ട്. ഇതിലെ യുക്തിഭദ്രതയെക്കുറിച്ച് മഹാഭാരതത്തിൽ സൂചനകളുണ്ട്.

മഹാഭാരതം ഏഴാം ഭാഗത്ത്, ശ്രീകൃഷ്ണന്റെ എട്ടു ഭാര്യമാരെക്കുറിച്ച് പരാമർശിക്കുന്നുണ്ട്. ഒന്ന് വിദർഭ രാജപുത്രി രുക്മിണി, രണ്ട് കാളിന്ദി, മൂന്ന് മിശ്രവിന്ദ, നാല് സത്യഭാമ, അഞ്ച് ജാംബവതി, ആറ് രോഹിണി, ഏഴ് ലക്ഷണ, എട്ട് സത്യ  ഇവരാണ്. ബാക്കി പതിനാറായിരം കന്യമാരെ, പ്രാഗ്ജ്യോതിഷ പുരം വാണിരുന്ന നരകൻ എന്ന രാക്ഷസരാജാവിന്റെ തടവിൽ നിന്ന്, രാക്ഷസനെക്കൊന്ന് ശ്രീകൃഷ്ണൻ, ദ്വാരകയിലേക്ക് കൊണ്ടുവന്ന് സംരക്ഷിച്ചുവത്രേ. അങ്ങനെയാണ് പതിനാറായിരത്തി എട്ടായത്. ഇതെല്ലാം പുരാവൃത്തങ്ങളാണ്. ഇവിടെ യുക്തിയുണ്ട്. മിത്തുമുണ്ട്. അനാഥസംരക്ഷകനെ ബഹുഭാര്യനായി വ്യാഖ്യാനിച്ചുവെന്ന് ഒരു വശം പറയാം. മറിച്ചും പറയാം. കാലം കലികാലമാണ്.