രാമനവമി രാജ്യത്തിന്റെ ആഘോഷം

ഭാരതത്തിലെ ഏറ്റവും പ്രധാനപ്പെട്ട ആഘോഷങ്ങളിൽ ഒന്നാണ് 'രാമനവമി. രാജ്യം ഉടനീളം ഈ ആഘോഷം ഉത്സാഹത്തോടെയും അതിവിപുലമായും ആഘോഷിച്ചുവരുന്നു.

- കണ്ണാടി കാനം (8200055082)

മഹാവിഷ്ണുവിന്റെ ഏഴാമത്തെ അവതാരമായ ശ്രീരാമന്റെ ജനനത്തോടനുബന്ധിച്ച് ആഘോഷിച്ചു വരുന്ന വസന്തോത്സവമാണ് രാമനവമി. രാമനവമി ഉത്സവത്തിൽ ഭക്തർ ഭഗവാന്റെ ജനനത്തെ അനുസ്മരിക്കാൻ പ്രത്യേക ആചാരങ്ങൾ നടത്തുന്നതിന് പുറമെ, ശ്രീരാമന്റെ ജീവിതത്തിൽ പ്രത്യേകസ്ഥാനം വഹിക്കുന്നവരിൽ, സീതാദേവി, ലക്ഷ്മണൻ, ഹനുമാൻ എന്നിവരെ പ്രത്യേകം പ്രാർത്ഥിക്കുകയും സ്തുതിക്കുകയും ചെയ്യുന്നത് നല്ലതാണ്.

ഭാരതത്തിൽ ആഘോഷിക്കുന്ന ഒട്ടുമിക്ക ഉത്സവങ്ങളെയും പോലെ രാമനവമിക്കും ഒരു പുരാണബന്ധമുണ്ട്. ഉത്തർപ്രദേശിലെ സരയു നദിയുടെ തീരത്ത് സ്ഥിതി ചെയ്യുന്ന പുണ്യനഗരമായ അയോദ്ധ്യയിൽ ഈ ദിവസം ശ്രീരാമൻ തന്റെ ദിവ്യമനുഷ്യരൂപത്തിൽ അവതരിച്ചതായും വിശ്വസിച്ചു പോരുന്നു.