ബാഹ്യരൂപം കൊണ്ട് വ്യക്തിത്വത്തെ അളക്കരുത്

ബാഹ്യരൂപവും ഭാവവും കൊണ്ട് ഒരു വ്യക്തിയുടെ കഴിവുകളെ തുലനം ചെയ്യരുതെന്ന യാഥാർത്ഥ്യം ഈ കഥ ഉണർത്തിക്കുന്നു.

- സംഗീത മധു

ഓരോ വ്യക്തിക്കും ഓരോ കഴിവുണ്ട്. അത് എന്താണെന്ന് മറ്റുള്ളവർ അറിയമെന്നില്ല. ഈശ്വരാനുഗ്രഹത്താലാണ് ഓരോ വ്യക്തിക്കും പ്രത്യേകതകളുണ്ടാകുന്നത്. സമൂഹത്തിൽ ഒരു വ്യക്തിക്കുണ്ടാകുന്ന പേരും പ്രശസ്തിയും ധനവുമാണിപ്പോൾ കഴിവുകളുടെ അടിസ്ഥാനമായി കണക്കാക്കപ്പെടുന്നത്. പക്ഷേ ഇവയ്ക്കും കഴിവുകൾക്കും ബന്ധം ഉണ്ടായിക്കൊള്ളണമെന്ന് നിർബന്ധം ഒന്നുമില്ലെന്നതാണ് യാഥാർത്ഥ്യം.

ഒരിക്കൽ ചേരരാജ്യത്തെ രാജാവിന്റെ മകൾക്ക് മാറാരോഗം പിടിപെട്ടു. കൊട്ടാര വൈദ്യന്റെ ചികിത്സയിലും ഫലം കണ്ടില്ല. മകളുടെ അവസ്ഥ കണ്ട് രാജാവിന് അനുദിനം മനോവിഷമം വർദ്ധിച്ചു കൊണ്ടേയിരുന്നു.