ఉద్యోగం చేసే అత్తయ్యతో ఎలా వ్యవహరించాలి

కోడలు గృహిణిగా, అత్తయ్య ఉద్యోగినిగా పని చేస్తున్నప్పుడు అనుబంధాల అందాన్ని ఇలా కాపాడుకోండి...

- - గరిమా పంకజ్

కోడలు గృహిణిగా, అత్తయ్య ఉద్యోగినిగా పని చేస్తున్నప్పుడు అనుబంధాల అందాన్ని ఇలా కాపాడుకోండి...

కుంకుం భట్నాగర్ వయస్సు 55 సంవత్సరాలు.కానీ ఆమె వయసు 45 మించి అనిపించదు. ఆమె ప్రభుత్వ ఉద్యోగి. స్టయిలిష్ దుస్తులు ధరిస్తుంది.

దాదాపు 25 సంవత్సరాల క్రితం తన భర్త చెప్పడంతో ఆమె ప్రభుత్వ ఉపాధ్యాయురాలి పోస్టు కోసం దరఖాస్తు చేసుకుంది. గ్రాడ్యుయేషన్ చేసింది. కంప్యూటర్ కోర్సు కూడా పూర్తి చేసింది.

ఈ కారణంగా ఆమెకు తొందరగానే ఉద్యోగం లభించింది.ఆ సమయంలో ఆమె కొడుకు చిన్నవాడు.కానీ అత్తగారు, భర్త సహకారంతో అంతా సాఫీగా కొనసాగింది. కాలక్రమేణా ఆమెకు ప్రమోషన్ కూడా వచ్చింది.

ఈ రోజు కుంకుం ఒక అత్తయ్య. ఆమె కోడలు ప్రియాంశీ చదువుకున్న అమ్మాయి. అర్థం చేసుకునే మనిషి, కుంకుం కూడా ఇలాంటి కోడలే కావాలని కోరుకుంది. ఆమె కావాలనే ఉద్యోగం చేసే అమ్మాయిని కాకుండా, గృహిణిగా ఉండే అమ్మాయిని తన కోడలిగా చేసుకుంది.ఎందుకంటే అత్తా కోడళ్లు ఇద్దరు ఆఫీసులకు వెళ్లిపోతే ఇల్లు ఎవరు చూస్తారన్నది ఆమె భయం.

ప్రియాంశీ చాలా కలుపుగోలు మనిషి మంచి కోడలుగా నిరూపించుకుంది. ఇంటి పనులు ఆమె చక్కగా నిర్వహించేది. కానీ ప్రియాంశీ మనసులో ఎక్కడో ఒక విషయం ుచ్చుకున్నట్లు అనిపించేది. ఆమె అత్తగారు ప్రతిరోజు చక్కగా ముస్తాబై ఆఫీసుకి వెళ్లిపోతుంది. తను మాత్రం ఇంట్లో నాలుగు గోడల మధ్య ఖైదీ అయిపోతుంది.

ఉద్యోగం చేయాలన్న కోరిక ఆమెను నిరంతరం ఘర్షణకు గురి చేసేది. ఇటువంటి పరిస్థితిలో ఈ విషయాలపై శ్రద్ధ వహించాల్సి ఉంటుంది.

డబ్బుల పంపకం

అత్త సంపాదిస్తూ డబ్బును తన ఇష్టానుసారం ఖర్చు పెడుతూ ఉంటే, కోడలికి ఈ విషయం తప్పకుండా గుచ్చుకున్నట్లుగా ఉంటుంది. కోడలికి డబ్బుల కోసం తన భర్త ముందు చాపడం బాధగా అనిపిస్తుంది. ఇది ఆమెకు చాలా ఇబ్బందిగా ఉంటుంది. అప్పుడు ఆమె మనసులో అత్తతో పోటీ పడాలన్న భావన మొదలవుతుంది.