పిల్లలు పుట్టకపోతే నిందలు ఎవరికి?

ఒక మహిళలకు పిల్లలు పుట్టక పోవటం దురదృష్టమా? ఇలాంటప్పుడు ఆశ్రయించాల్సింది గురువులనా లేక వైద్యులనా?

- - ప్రియాంక రాజౌరియా

ఒక మహిళలకు పిల్లలు పుట్టక పోవటం దురదృష్టమా? ఇలాంటప్పుడు ఆశ్రయించాల్సింది గురువులనా లేక వైద్యులనా?

 మాతృత్వం అనేది ప్రతి మహిళ కోరుకునే అనుభూతి. పెళ్లి కాగానే  దీని గురించి కలలు కంటారు. కానీ కొందరి కలలు త్వరగా నెరవేరవు. ఏవో కారణాల వల్ల లేక రుగ్మతలు ఉన్నప్పుడు తల్లి కాలేకపోతుంటారు. జీవితంలో ఇంతకంటే పెద్ద దుఃఖం మరోటి ఉండదనుకుంటారు. ఇక తమ కోసం ప్రపంచమంతా శూన్యమైపోయినట్లు భావిస్తుంటారు.

ఇలాంటప్పుడు ఆమెపై గొడ్రాలు, అపశకునం, దరిద్రం లాంటి ఎన్నో నిందలు మోపటంతో, తప్పించుకునే మార్గమే కనపడదు.ఇలా తిట్టే వారిలో బయటి నుంచే గాక కుటుంబ సభ్యులూ ఉంటారు.

ఒక యువతి వివాహం చేసుకున్నాక, ఆమె తల్లి కాలేదని తెలియగానే సగం ప్రాణం పోయి నట్లవుతుంది. దీనికితోడు ఇంట్లో రోజూ దెప్పి పొడుపులే. హిందీలో 'గోద్భరాయి' అనే సీరియల్ వస్తుంది.

దీంట్లో కోడలు తల్లి కాకపోవడానికి కారణం తాను కాదు, ఆమె భర్త. అయినా ఇరుగుపొరుగు అంతా నిందలు ఆమెపైనే వేస్తుండటంతో చాలా బాధపడుతుంది.

కుటుంబీకులే వీలైనప్పుడల్లా హీనంగా చూపటానికి ప్రయత్నిస్తుంటారు. తప్పు ఎవరిదైనా, తిట్లు ఆమే తినాల్సి వచ్చేది.

మహిళల మీద ప్రచారం

టీవీలో వచ్చే జిడ్డులాంటి సీరియళ్లన్నీ మహిళల్ని కించ పరుస్తున్న కథనాలు చూపిస్తుంటాయి.