సింగిల్ మదర్ పిల్లల్ని ఎలా పెంచాలి?

సింగిల్ మదర్ పిల్లల పెంపకంలో ఈ జాగ్రత్తలు తీసుకుంటే అనేక సమస్యలకు దూరంగా ఉండొచ్చు...

- - సమీక్షా •

సింగిల్ మదర్ పిల్లల పెంపకంలో ఈ జాగ్రత్తలు తీసుకుంటే అనేక సమస్యలకు దూరంగా ఉండొచ్చు...

మీరు జీవితాంతం మరో పెళ్లి లేకుండా ఉండాలని నిర్ణయించుకున్నారు, లేదా భర్తతో అభిప్రాయాలు కలవటం లేదని ఒంటరిగా ఉండదల్చుకుంటే తప్పేమి లేదు. ఎంతైనా మీ జీవితాన్ని మీరు సొంతంగా గడిపేందుకు మీకు హక్కు ఉంటుంది. కాకపోతే పాప లేదా బాబు మీతో ఉన్నట్లయితే తన ప్రశ్నలకు జవాబులు చెప్పాల్సిన బాధ్యత మీపైన ఉంటుంది. నిజానికి బిడ్డ తన మనసులో ఉన్నవి మీతోనే షేర్ చేసుకుంటాడు. పైగా అదే సరైంది కూడా. ఎందుకంటే ఎవరో బయటి వారితో చర్చిస్తే ఏదైనా ప్రతికూల జవాబు లభించి మన సుకి బాధ కలిగిస్తే సమస్యలు మొదలవుతాయి.

అందుకే మీరు బిడ్డతోటి సంబంధాన్ని దాపరికం లేకుండా, నిజాయితీగా ఉంచుకోండి. పరస్పరం చర్చించుకునే వాతావరణం కూడా ఏర్పర్చుకోవాలి. పిల్లాడు లేదా పాపాయి మీతో సంకోచం లేకుండా మనసు విప్పి మాట్లాడగలగాలి.

ముందుగానే ప్రశ్నలకు సరైన జవాబులు:

సింగిల్ మదరికి సాధారణంగానే పిల్లల నుంచి కొన్ని ప్రశ్నలు ఎదురవుతుంటాయి. వాటికి ముందే జవాబులని సిద్ధంగా ఉంచుకోవాలి. నాన్న ఎందుకు లేడు?, అందరికీ ఇంట్లో నాన్న ఉంటాడు కదా? పేరెంట్స్ మీటింగ్ కి మీ అమ్మ ఒక్కరే వస్తున్నారేమిటని ఫ్రెండ్స్ అడుగుతున్నారు? లాంటి ప్రశ్నలు వస్తాయి.

ఇలాగే అనేక కోణాల ప్రశ్నలకు ఏదో ఒక దశలో మీరు జవాబివ్వాల్సి వస్తుంది. వీటి కోసం ముందే మానసికంగా రెడీ ఉండాలి.