చర్మాన్ని జుట్టుని ఆకర్షణీయంగా మార్చే ఉపాయాలు

మెరిసే చర్మంతోపాటు ఆకట్టుకునే కేశ సంపదని పొందాలని ఆశించే వారికి ఈ ఉపాయాలు తప్పకుండా సహాయపడతాయి.

మెరిసే చర్మంతోపాటు ఆకట్టుకునే కేశ సంపదని పొందాలని ఆశించే వారికి ఈ ఉపాయాలు తప్పకుండా సహాయపడతాయి.

పలువురు మహిళల్లో చర్మం, కేశాల సమస్యలకు జీవనశైలి, జెనెటిక్ కారణాలు కనపడుతుంటాయి. వీళ్లు సాధారణంగా కేశాల సంరక్షణపై దృష్టి పెట్టరు.కానీ జుట్టు బాగలేకపోవటానికి కారణం ఒత్తిడి, అశ్రద్ధ అనుకుంటారు. నిజానికి చర్మం, కేశాలు ఆరోగ్యంగా ఉండటానికి ఆహారంలో పోషక తత్వాలు అవసరమవుతాయి. పోషకాలతోపాటు తగినన్ని విటమిన్స్ ఉంటే చర్మం ఆరోగ్యంగా,సున్నితంగా, మెరుపుతో ఉంటుంది. కేశాలు కూడా దట్టంగా, దృఢంగా ఉండటానికి పోషణ కీలకమవుతుంది.

డైట్, జీర్ణక్రియ సరిగ్గా లేకపోతే పోషకాలు శరీరంలో శోషణ చెందవు. దీంతో చర్మ సంబంధ రుగ్మతలు ఎదురవుతాయి. స్కిన్ హెల్దీగా కనపడదు. కొన్నిసార్లు ఆహారంలో లోపం లేకపోయినా ఫుడ్ సెన్సిటివిటీ లేదా ఎలర్జీ వల్ల చర్మ వ్యాధులు తలెత్తవచ్చు.

అధ్యయనాల ప్రకారం యాంటీ ఆక్సిడెంట్ల ఫొటోప్రొటెక్టివ్ కెపాసిటీ చర్మంలోని వ్యాధినిరోధక శక్తిపై చూపే ప్రభావం అనేది పోషకతత్వాల మోతాదు మీద ఆధారపడి ఉంటుంది.

ఇక్కడ విటమిన్లు చర్మాన్ని, కేశాలను ఎలా ప్రభావితం చేస్తాయో వివరంగా చూద్దాం.

చర్మ సంరక్షణలో పోషకాల పాత్ర

విటమిన్ ఎ, బి 3, బి 12 ప్రాముఖ్యత : మొత్తం మానవ శరీరంలో విటమిన్ 'ఎ' అత్యంత కీలకమైనది. ఇది తగ్గిపోతే చమట గ్రంథులు మందగించటం, ఆయిల్ గ్లాండ్స్ పని తగ్గటం, ఫైనోడెర్మా, జెరోసిస్, చర్మంపై ముడతల వంటి సమస్యలు ఏర్పడతాయి.

సాధారణంగా పోషకలేమి ఉన్న వ్యక్తుల్లో, ముఖ్యంగా పిల్లల్లో రుగ్మతలు అధికంగా కనిపిస్తాయి.

విటమిన్ 'ఎ' లోపం వల్ల మోచేతులు, మోకాళ్లు, పిక్కల దగ్గర చర్మం రఫ్ గా మారుతుంది.

విటమిన్ బి 3 లోపం వల్ల మెడలాంటి బయటికి కనిపించే భాగాల్లో ఫొటో సెన్సిటివిటీ, ర్యాషెస్, సన్బర్గ్ సమస్యలు వస్తాయి. ఇలాగే దీని వల్ల చేతులు, కాళ్ల చర్మం చిట్లినట్లు కనిపిస్తుంది.కొన్ని చోట్ల చీలికలు ఏర్పడతాయి. కొందరు మహిళలు దీన్ని చాలా నిర్లక్ష్యం చేస్తారు. కానీ సీరియస్ కేసుల్లో ఇది చాలా ప్రమాదకరంగా మారుతుంది.