సంక్షేమ గురుకుల విద్యాలయాల సంస్థ

మెరుగైన విద్య అవకాశాల కల్పనలో మహాత్మా జ్యోతిబా పూలే తెలంగాణ వెనుకబడిన తరగతుల

- - హెచ్.ఎమ్.శంకర్, బి.ఎన్.భూషణ్

బిసీ గురుకుల విద్యార్థులు 2022-23.విద్యా సంవత్సరంలో నిర్వహించిన పదో తరగతి ఫలితాల్లో 95.39 శాతం ఉత్తీర్ణత సాధించారు. 96 గురుకుల పాఠశాలలు వంద శాతం ఫలితాలు సాధించాయి.ఇంటర్మీడియట్ ఫలితాల్లో బీసీ గురుకుల సొసైటీ విద్యార్థులు 86.67% ఉత్తీర్ణత సాధించారు. దీనికి మేము ఎంతో సంతోషిస్తున్నాము.

- డా. మల్లయ్య బట్టు

కార్యదర్శి,

మహాత్మా జ్యోతిబా పూలే తెలంగాణ వెనుకబడిన తరగతుల సంక్షేమ గురుకుల విద్యాలయాల సంస్థ

ప్రతిభావంతులైన గ్రామీణ విద్యార్థులకు నాణ్యమైన విద్యను అందించడమే గురుకుల పాఠశాలల లక్ష్యం. ఈ విధానంలో తెలంగాణ ప్రాంతంలో 1971లో మొదటి గురుకుల పాఠశాలను నల్గొండ జిల్లా సర్వేల్ గ్రామంలో ఏర్పాటుచేసారు. 1972లో మరో రెండు గురుకుల పాఠశాలలు ఒకటి అనంతపురం జిల్లాలో కొడిగెనహల్లీలో మరొకటి గుంటూరు జిల్లా తాడికొండలో స్థాపించారు. రాష్ట్రంలోని గురుకుల పాఠశాలలను పర్యవేక్షించడానికి 1972 సంవత్సరంలో APREI సొసైటీని స్థాపించారు. 2012లో బీసీ గురుకుల పాఠశాలలు వేరు చేస్తూ కొత్తగా మహాత్మా జ్యోతిబా పూలే తెలంగాణ వెనుకబడిన తరగతుల సంక్షేమ గురుకుల విద్యాలయాల సంస్థ (MJPTBCWREIS) గా ఏర్పాటు చేయబడింది.

జ్యోతి గురుకుల విద్యాలయాల విస్తరణ....

తెలంగాణ రాష్ట్రం ఏర్పడిన నాటికి 19 పాఠశాలలు జ్యోతిబా పూలే గురుకుల విద్యా లయాల సంస్థ ఆధ్వర్యంలో నిర్వహించబడేవి.ప్రస్తుతం 327 విద్యాలయాలను నిర్వహిస్తున్నారు.ఇందులో 33 పాఠశాలలు, 261 పాఠశాలలు మరియు జూనియర్ కాలేజీలు, 33 డిగ్రీ కాలేజీలు నిర్వహించబడుతున్నాయి. డిగ్రీ కళాశాలల్లో, రెండు వ్యవసాయ కళాశాలలు రెండు న్యాయవిద్య డిగ్రీ కళాశాలలు ఏర్పాటు చేయడం జరిగింది. ఇవి ఈ విద్యా సంవత్సరం నుంచి అందుబాటులోకి వచ్చాయి.

విద్యా సంబంధమైన ప్రణాళిక

విద్యార్థులను శారీరక, మానసికంగా అరోగ్య వంతులను చేస్తూ వారికి పోషకాలతో కూడిన ఆహారం, శుభ్రమైన వసతి సదుపాయాలు ఇస్తూ నాణ్యమైన విద్యను బోధించే లక్ష్యంతో గురుకుల పాఠశాలలు ఏర్పాటు చేసారు. ఇందుకు అనుగుణంగా పాఠశాలలు ఉదయం 5.15 నుంచి రాత్రి 9.00 వరకు నిర్వహించేలా దినచర్యను రూపొందించారు.

• ఉదయం 5.15 AM నుంచి 6.00 AM వరకు విద్యార్థులకు శారీరక వ్యాయామం ఉంటుంది.