11 న్యూ ఇయర్ హెల్త్ టిప్స్

కొత్త సంవత్సరం ఆరోగ్యంగా, సురక్షితంగా, సంతోషంగా ఉండేందుకు ఈ చిట్కాలు మీకెంతో ఉపయోగపడతాయి

- - సోమా ఘోష్

కో విడ్-19 తర్వాత వ్యక్తుల జీవితంలో చాలా పెద్ద మార్పు వచ్చింది. ఈ రోజుల్లో ఎవరూ పదేళ్ల క్రితంలాగా ఎలాంటి ప్లానింగ్ చేయడం లేదు. ఎందుకంటే జీవితం అనూహ్యమైనది. డబ్బు, అధికారం ఉన్నప్పటికీ ప్రజలు తమ ఆప్తులను కోల్పో తున్నారు. ఇలాంటి పరిస్థితిలో వారు ఆరోగ్య రక్షణ విషయంలో అవగాహన కలిగి ఉండటం మొదలుపెట్టారు. ఈ విషయం గురించి ముంబై లోని కోకిలాబెన్ ధీరూబాయి అంబానీ హాస్పిటల్ కన్సల్టెంట్ కార్డియాలజిస్ట్ డాక్టర్ ప్రవీణ్ కహాలే మాట్లాడుతూ కోవిడ్ కారణంగా ప్రజల్లో ఆరోగ్య అవగాహన పెరిగిందని, ఇది చాలా మంచి విషయ మని అయితే ప్రతి వ్యక్తి కొత్త సంవత్సరంలో కొన్ని విషయాలను అర్థం చేసుకోవాలని చెప్పారు. వారు తెలిపిన విషయాలు ఇలా ఉన్నాయి.

• మీ బరువును నియంత్రణలో ఉంచుకోండి. అది వయసుకు తగ్గట్టుగా ఉందా లేదా అన్నది చూసుకోండి. బరువు సరైన విధంగా ఉండాలంటే అదనపు క్యాలరీలను నివారించాలి. క్రమం తప్పకుండా వ్యాయామం చేయాలి. లిఫ్టీకి బదులుగా మెట్లు ఎక్కండి. సులభమైన ఈ పనులను మీరు ప్రతిరోజూ చేయవచ్చు. కూర్చుని ఉండడం మీకు పాసివ్ స్మోకింగ్ అంత ప్రమాదకరం.అదే పనిగా ఎక్కువసేపు కూర్చుంటే గుండె వ్యాధులు వచ్చే అవకాశం ఉంటుంది. అందుకే వ్యాయామం చేయకపోవడం, గంటల తరబడి కూర్చోవడాన్ని పాసివ్ స్మోకింగ్ గా పరిగణిస్తారు.