న్యూ ఇయర్కి ఇంటిని అలంకరించే ఉపాయాలు

కొత్త ఏడాది మీరు కూడా ఇంటికి సరికొత్త లుక్కుని అందించాలనుకుంటే ఇక్కడున్న సులువైన చిట్కాలను పాటించి చూడండి...

- • నసీమ్ అన్సారీ కోచర్ •

న్యూ ఇయర్ అనగానే ప్రతి వ్యక్తి ఏదో కొంత కొత్తదనాన్ని వెతుకుతారు.ముఖ్యంగా గృహిణులు ఇంటిని తీర్చిదిద్దే చింతలో నిమగ్నమవుతారు. కొత్త ఏడాది ఇంట్లో ఏవి మార్చేసి ఆకర్షణీయమైన లుక్కుని తీసుకురావచ్చు? కొత్తగా ఏవి సర్దితే ఇల్లు చూడగానే వావ్ అనిపిస్తుంది? అనే ముఖ్యమైన విషయాలు. అన్నింటికంటే మొదట డ్రాయింగ్ రూమ్ని చూడాలి. ఇక్కడే అతిథులు, భర్త స్నేహితులు వచ్చి కూర్చుంటారు.

వారు డ్రాయింగ్ రూమ్ లుక్కుని చూసి ఇల్లాలి అభిరుచి, సృజనాత్మకతని అంచనా వేస్తారు. అందుకే ఎక్కువ శాతం మహిళలు న్యూ ఇయర్లో సోఫా, పరదా, తివాచీలు కొత్తగా తెచ్చి లుక్కుని మార్చేందుకు ప్రయత్నిస్తారు. ఇంటీరియర్ డెకరేటర్స్తో కూడా చాలా సూచనలు తీసుకుంటారు. వీటన్నింటికి చాలా డబ్బు ఖర్చు చేస్తారు.

కానీ ఈ కొత్త సంవత్సరంలో ఖర్చు ఎక్కువ లేకుండానే ఇంటి లుక్కుని అట్రాక్టివ్ గా మార్చే కళాత్మక పద్ధతుల గురించి ఇక్కడ తెలుసుకోండి.వీటిని పాటిస్తే నలుగురిలో ప్రశంసలు కూడా పొందుతారు. బంధువుల మధ్య మీ గౌరవం పెరుగుతుంది. తోటి వారితో మీ సాన్నిహిత్యం అధికమవుతుంది. అవేమిటో చూద్దాం రండి.

గదిలో శోభ పెంచటం

సాధారణంగా మధ్య తరగతి లేదా హై క్లాస్ గృహాల్లో అడుగు పెట్టగానే అందమైన ఫర్నీచర్, పరదాలు, షోపీసులు డ్రాయింగ్ రూమ్లో అలం కృతమై కనిపిస్తాయి. బంగ్లా, భవంతుల్లో కూడా మొదట పెద్ద గది సిట్టింగ్ కోసం మంచి సోఫా సెట్, సెంట్రల్ టేబుల్తో అలంకరించి ఉంటుంది. కిటికీలకు తలుపులకు మెరిసే పరదాలు, సైడ్ టేబుల్ మీద షోపీసులు, ఫ్లవర్ పాట్ లేదా ఇన్డోర్ ప్లాంట్స్ గదిని శోభాయమానం చేస్తాయి.

ఈ రోజుల్లో టూ, త్రీ బీహెచ్ ఫ్లాట్స్లో ఒక పెద్ద హాల్లో పార్టిషన్ చేసి ముందువైపు డ్రాయింగ్ రూమ్, వెనుక భాగాన్ని డైనింగ్ రూముగా మలుస్తున్నారు.

కొన్ని చోట్ల రెండు పోర్షన్ల మధ్య పరదాలు వేసి వేరే లుక్కునిస్తున్నారు. కొందరికీ ఇవేవీ చేయాల్సిన అవసరం ఉండదు. డ్రాయింగ్, డైనింగ్ ఒకే హాలులో పెట్టేస్తారు.