50 సినిమాలు కంపిట్ డ చేయడం హ్యాపీగా ఉంది- అంజలి

తన కెరీర్ విశేషాలు గృహశోభ ఇంటర్వ్యూలో చెప్పింది అంజలి.

తెలుగు, తమిళ, మలయాళ భాషల్లో వరుసగా సినిమాలు చేస్తూ హీరోయిన్గా అంజలి తనకంటూ ఓ ప్రత్యేకత సంపాదించుకుంది. 'సీతమ్మ వాకిట్లో సిరిమల్లె చెట్టు', 'జర్నీ', 'నిశ్శబ్దం', 'వకీల్ సాబ్' వంటి సినిమాలతో హీరోయిన్గా స్టార్డమ్ తెచ్చుకున్న అంజలి, రీసెంట్గా 'గీతాంజలి మళ్లీ వచ్చింది' సినిమాతో కెరీర్లో 50 సినిమాలు పూర్తి చేసుకుంది. 

తక్కువ టైమ్లో 50 సినిమాలు చేయడం ఎలాంటి ఫీలింగ్ ఇస్తోంది? 'గీతాంజలి మళ్లీ వచ్చింది' సినిమాతో 50వ సినిమా కావటం హ్యాపీగా ఉంది. దీన్ని అందరూ గుర్తు చేస్తుంటే, ఓ బాధ్యతగా అనిపిస్తుంది. 50 సినిమాలు చేసేసానా? అనిపిస్తుంది. ఈ జర్నీని ఎంజాయ్ చేస్తున్నాను.

ఎలాంటి సినిమాలు చేయడానికి ఇష్టపడుతుంటారు?

ఏ జోనర్ ఇష్టం అంటే చెప్పడం కష్టమే. నిజం చెప్పాలంటే నాకు సినిమాలంటే తెగ పిచ్చి.అందుకే ఏ జోనర్ సినిమా అయినా సరే ఇష్టంగానే చేస్తాను. నాకు సరిపడ కథలు వస్తే మరింత ఇష్టంగా చేస్తాను. ఇప్పటివరకూ నాకు సరిపడ కథలతోనే సినిమాలు చేస్తూ వచ్చాను. అలాగే భాషాబేధం కూడా లేదు నాకు.

ప్రస్తుతం మీ కొత్త సినిమాలన్నీ 'జి' అక్షరంతోనే వస్తున్నాయి కదా?