ఆదర్శంగా నిలుస్తున్న ఒంటరి మహిళలు...

భర్తలు లేకున్నా తమ పిల్లలను సమర్థులను చేయడమే కాకుండా తమకంటూ ఓ గుర్తింపు తెచ్చుకుని ఇతరులకు ఆదర్శంగా నిలుస్తున్న మహిళల కథ ఇది. ...

- మదన్ కోథునియా

జైపూర్ కి చెందిన అంజలి, అరుణ, మంజుల కథలివి... లేదా అంతకు ముందు మీకు తెలిసిన పురాణేతిహాసాల్లోని సీత, కుంతిల కథలే కావచ్చు. పురాతన కాలం నుంచి ఆధునిక కాలం వరకు ఈ సుదీర్ఘ ప్రయాణంలో ఒంటరి మహిళలు తమకెదురైన పరిస్థితులను ఎదుర్కొని ధైర్యంగా నిలబడ్డారు.

ప్రముఖ కవి రవీంద్రనాథ్ ఠాగూర్ రచించిన ‘ఎకేలా చలో రే...' గీతం ఇలాంటి ఒంటరి స్త్రీల ధైర్యాన్ని మెచ్చుకుంటూ, వారి కోసమే రాసినట్లుంది. మీరు పిలిచినా ఎవరూ రాకపోతే, ఒంటరిగా సాగిపోండి... అని పాటలోని తర్వాత లైన్లు చెబుతాయి. ఏ తల్లీ వారి పిల్లల పెంపకం బరువు, బాధ్యతలు తమ ఒక్కరిపై పడాలని కోరుకోరు. కానీ అలాంటి పరిస్థితులు వచ్చి నప్పుడు వారు వెన్ను చూపలేదు. పిల్లలకు వారి కష్టం తెలియ నీయకుండా ధైర్యంతో, అంకితభావంతో వారిని పెంచే బాధ్యతను తీసుకున్నారు.

ఆత్మవిశ్వాసమే గొప్ప ఆస్తి

పెళ్లయిన 11 ఏళ్లకే విడాకులు పొందిన ఓ మహిళ తన పిల్లల కోసం పని చేయడం ప్రారం భించింది. "నేను ప్రతి రోజు బతకటానికి పోరాటం చేస్తున్నాను. ప్రతి రోజు నాకు కొత్త సవాలే. నా భర్తతో విడి పోవాలనే నిర్ణయం చాలా బాధాకరమైనదే, కానీ చాలాకాలం ఆయనతో సంసారం చేయలేనని తెలుసుకుని ధైర్యంగా నిర్ణయం తీసుకున్నారు” అని చెప్పింది.

విడాకుల తర్వాత ఆమె డిగ్రీ పూర్తి చేసింది.టీచింగ్ వృత్తి చేపట్టింది. ఎప్పుడూ భయపడ లేదు.ఆత్మవిశ్వాసంతో ముందుకు సాగింది.ఇరుగుపొరుగు వారి మాటలను పట్టించుకో లేదు.ఆమె తన బిడ్డను పెంచడం కోసం ఎవరి సాయం అడగలేదు. ఆఖరుకు ఆమె తల్లిదండ్రుల నుంచి కూడా. అంతేకాదు పిల్లల పెంపకం కోసం ఆమె తన భర్త నుంచి ఎలాంటి భరణం తీసుకోలేదు. సమాజంలో చాలామంది తనకంటే ఇంకా ఎక్కువగా కష్టాలు పడుతున్నారని అనుకుంది. ప్రతి ఒక్కరూ తమ కోసమే జీవిస్తారు, ఇతరుల కోసం ఎవరూ జీవించరు. కానీ ఆమె ఇతరుల కోసమే బ్రతకడం నేర్చుకుంది.

ఒక స్త్రీ తనను తాను అబలగా, అసహాయరాలుగా భావించకూడదు. తనపై తనకు నమ్మకం ఉంటే ఆమెను ఎవరూ ఆపలేరు. ఎవరో ఏదో చేస్తారన్న ఆశలు పెట్టుకోవద్దు. ఎందుకంటే ఆ ఆశలు అడియాశలైనప్పుడు బాధేస్తుంది. కష్ట కాలంలో సానుభూతి వ్యక్తపరిచేవారు చాలామంది ఉంటారు. కానీ ధైర్యానికి, సామర్థ్యానికి మారు పేరుగా నిలిచిన రీనా దత్, అమృతా సింగ్ లాంటి వారు మనమధ్య చాలామంది ఉన్నారు.

సింగిల్ పేరెంట్స్