మానసిక వ్యాధి అంటే ఏమిటి

ఈ విషయాలను అర్థం చేసుకుంటే మానసిక వ్యాధుల నుంచి బయట పడటం ఎంతో సులువు....

- - బకులా పారేఖ్

వ్యాధి శారీరకం కావచ్చు లేదా మానసికమైనది కావచ్చు కానీ దానికి గల కారణాల గురించి ప్రజల్లో కొన్ని అభిప్రాయాలు ఉన్నాయి. వీటిలో చాలావరకు తప్పుగా కనిపిస్తాయి. ఎందుకంటే అవి కాల్పనిక లేదా సంప్రదాయ నమ్మకాలపై ఆధారపడి ఉంటాయి.

మానసిక వ్యాధుల నమ్మకాలకు సంబంధించి వైద్య చికిత్సా దృష్టికోణంతో పరిచయం చేసే ఈ ఉదాహరణలు కొన్ని చూడండి.

మానసిక వ్యాధి జన్యుపరమైనది : "అయ్యో, మీరు సునీతతో మీ అబ్బాయికి పెళ్లి చేయ బోతున్నారా? మీకు తెలుసా, కొన్ని సంవత్సరాల క్రితం వాళ్లమ్మకు మానసిక రోగం వచ్చింది. ఇది జన్యుపరమైనది. ఆ పిల్లతో సంబంధం పెట్టుకోకండి" శ్యామల తన స్నేహితురాలు శ్రీదేవికి సలహా ఇచ్చింది.

ఈ తప్పుడు ఆలోచన కారణంగా ఉన్నత విద్యావంతురాలైన అందంగా, ఆరోగ్యంగా ఉన్న లేదా తండ్రి సునీత పెళ్లి ఆగిపోయింది. తల్లి మానసిక అనారోగ్యంతో ఉంటే కొంతకాలం తర్వాత పిల్లలు సైతం అదే వ్యాధితో బాధపడతారనేది ఒక సాధారణ అభిప్రాయం.

ఇది సరైనది కాదు. పరిశోధనల ప్రకారం 90 శాతం మంది రోగుల కుటుంబాల చరిత్రలో తల్లిగానీ తండ్రిగానీ ఈ వ్యాధితో బాధపడలేదని నిరూపితమైంది. వారు సాధారణ జీవితాన్ని గడుపుతున్నారని తేలింది.

మానసిక వ్యాధి గత జన్మల పాప ఫలితం : ఎవరైనా మానసిక వ్యాధితో బాధపడుతుంటే వారిని చూసి ప్రజలు “చూడండి ఒకసారి వారిని, వారు గత జన్మలో ఏదో పాపం చేసి ఉంటారు.ఇప్పుడు శిక్ష అనుభవిస్తున్నారు. కర్మ ఫలాన్ని ఎవరూ తప్పించుకోలేరు" అని వ్యాఖ్యానిస్తుంటారు.

ప్రజలకు వారి అనారోగ్యానికి గల కారణాలు తెలియవు. అందుకే ఇలా చెడు కర్మల ఫలితం అంటూ మాట్లాడుతుంటారు. అయితే మానసిక జబ్బులు మెదడులో జరిగే నిర్దిష్ట మార్పుల వల్ల జరుగుతాయని, చెడు కర్మల వల్ల కాదని అందరూ తెలుసుకోవాలి.