మహిళా స్వావలంబనకు ఆర్థిక స్వాతంత్ర్యం సరైన ఆయుధం

మహిళల ఆరిక స్వావలంబన వారి కుటుంబ అభివృద్ధికి మాత్రమే కాకుండా దేశాభివృద్ధిలోనూ కీలక పాత్ర పోషిస్తుంది.

- - పారూల్ భట్నాగర్ •

స్వా తంత్ర్యం వచ్చి ఏడు దశాబ్దాలు దాటిన భారతదేశంలో మహిళలు సామాజిక, ఆర్థిక, ధార్మికపరమైన అనేక రంగాలలో మార్పులను చూసారు. కానీ కొన్ని రంగాలలో మహిళల భాగస్వామ్యం చెప్పుకో దగినంత లేదన్నది మనం గమనించాల్సిన విషయం. అయితే కొన్ని రంగాలలో వారు మునుపటి కంటే క్రమక్రమంగా బలపడుతున్నారు.

ముఖ్యంగా ఆర్థిక రంగాన్ని చెప్పవచ్చు.

ఒకప్పుడు స్త్రీలు ఆర్థికంగా పురుషులపై పూర్తిగా ఆధారపడే వారు. కానీ స్వాతంత్య్రం వచ్చిన తర్వాత ఈ పరిస్థితి మారింది. నేటి మహిళలు వంటగదితోపాటు ఆకాశంలోకి క్షిపణులను పంపించటంలోనూ కీలకంగా పని చేస్తున్నారు. నేటి స్త్రీ దుకాణం నుంచి వెచ్చాలు తెచ్చిన లెక్కలు సరి చూసుకోవడంతోపాటు బ్యాంకుల్లో కూడా అనేక పోస్టులలో పని చేస్తోంది.

ప్రస్తుత కాలంలో మహిళల ఆర్థిక పరిస్థితిపై ఒక విశ్లేషణ :

అప్పుడూ... ఇప్పుడూ...

పూర్వం స్త్రీలు తమ కుటుంబాలపై పూర్తిగా ఆధారపడేవారు. కుటుంబ సభ్యులు చెప్పినా మౌనంగా దాన్ని శిలా శాసనం అని అంగీకరించే వారు. తండ్రి ఎవరితో పెళ్లి ఫిక్స్ చేస్తాడో, పెళ్లి కొడుకు ఎవరో కూడా అతనివైపు కన్నెత్తి కూడా చూడకుండా సరేనంటూ తల ఊపి జీవితాంతం అతనితో కలిసి జీవించడానికి సిద్ధపడే వారు. పెళ్లయ్యాక కూడా తన అస్తిత్వాన్ని వదులుకుని కుటుంబసభ్యులు, భర్తల ఆతిథ్యానికి మాత్రమే అంకితమయ్యేవారు. చదువు లేక పోవడంతో ఎవరు ఏది చెప్పినా అంగీకరించే వారు.

ఉదయం నుంచి సాయంత్రం వరకు స్టా ముందు కూర్చోవడం, భర్త దెబ్బలు కొడితే మాట్లాడకుండా భరించడం, కుటుంబసభ్యుల సూటిపోటి మాటలు పడటం లాంటివన్నింటిని సహిస్తూ, భర్తను దేవుడిగా భావించేవారు. పెళ్లయిన తర్వాత అత్తగారిల్లే నీ ఇల్లు అని తల్లిదండ్రులు చెప్పి ఈ రోజు నుంచి పుట్టింటిపై నీకేమీ హక్కు లేదని చెబితే, చచ్చినట్లు ఎన్ని కష్టాలు వచ్చినా అక్కడే పడి ఉండేవారు.