ముఖంపై మచ్చలున్నాయా? టెన్షన్ అవసరం లేదు

ఈ పద్ధతులు అమలు చేసి చూడండి. మీ ముఖం చంద్రబింబంలా మెరిసిపోతుంది.

- - ప్రియాంక యాదవ్

మీ ముఖం లేదా మీ శరీర భాగంలోని ఏదైనా నిర్దుష్ట ప్రాంతంలో కణాలు చనిపోవడం మొదలుపెట్టినప్పుడు, వాటికి పోషక తత్వాలు అందడం ఆగిపోయి నప్పుడు పిగ్మెంటేషన్ ఏర్పడుతుంది. ఇలాంటి స్థితిలో చర్మం నల్లగా మారుతుంది. కొన్నిసార్లు గర్భధారణ సమయంలో జరిగే హార్మోన్ల మార్పుల కారణంగా ఇది జరుగుతుంది. కీమోథెరపీ తర్వాత కూడా పిగ్మెంటేషన్ సమస్య ఏర్పడుతుంది.

బ్యూటీషియన్ కార్తీక దీని గురించి మాట్లాడుతూ “మెలనిన్ అధికంగా ఉత్పత్తి అవుతున్నప్పుడు స్కిన్ పిగ్మెంటేషన్ పెరుగుతుంది.మెలనిన్ వల్ల చర్మం, కాళ్లు, వెంట్రుకలు వాటి రంగును పొందుతాయి.

ఇది సూర్య కిరణాలతో ఏర్పడే నష్టం నుంచి రక్షిస్తుంది. మేకప్ ఫేస్ పిగ్మెంటేషన్ను దాచి పెట్టవచ్చు. కానీ ఎల్లప్పుడూ మీరు మేకప్ వేసుకుని ఉండలేరు కదా. దీనికోసం పర్మనెంట్ ట్రీట్మెంట్ తీసుకోవాల్సి ఉంటుంది" అని చెప్పారు.

పిగ్మెంటేషన్ ఏర్పడటం ఒక సాధారణ ప్రక్రియ. కానీ ఇది ఏర్పడినప్పుడు మీ అందంపై ప్రతికూల ప్రభావాన్ని చూపిస్తుంది. మీరు వయసులో పెద్దవారిలా కనిపిస్తారు. స్కిన్ తన మెరుపును కోల్పోతుంది. దీని కారణంగా మీ ఆత్మవిశ్వాసం తగ్గిపోకుండా ఉండాలంటే ఈ విషయాలపై ప్రత్యేక దృష్టి పెట్టండి.

సన్ స్క్రీన్ ఉపయోగించండి