புன்னகை பூத்தது!

சென்னை. "தென்னாடுடைய சிவனே போற்றி, எந்நாட்டவர்க்கும் இறைவா போற்றி, ஓம் நமசிவாய வாழ்க, சச்சிதானந்தம் வாழ்க, சற்குருநாதா வாழ்க!" என தனது பூசையை முடித்துக் கொண்டு வெளியே வந்தார் சிவநேசன். வெளியே அவரது வரவிற்காகவே காத்திருந்தான்.

- பிரேமா ரத்தினவேல்

அவரது செல்ல தவப்புதல்வன் கைலாஷ். சிவநேசன், பவானி தம்பதிகளின் செல்லப்புதல்வன். சிவநேசன், பவானி தம்பதிகளுக்கு மிகுந்த எதிர்பார்ப்புடன் சிகிச்சைகளுக்கிடையேயும் மூன்றாவது குழந்தையாக பிறந்தவன் தான் கைலாஷ்.

இவன் உருவான காலத்திலிருந்தே மிகவும் எச்சரிக்கையுடனும், மருத்துவர்களின் ஆலோசனையுடனும் நடந்து கொண்டனர். திருமணத்திற்கு பிறகு 7 ஆண்டுகள் பின்னர் பிறந்த அவனுக்கு, சிவனின் பெயராக கைலாஷ் என பெயர் சூட்டி மகிழ்ந்தனர் பெற்றோர்கள்.

அவனும் பெற்றோர்களை, தனது மழலை மொழியிலும், சின்ன சின்ன சேட்டைகளிலும், அவர்களை மகிழ்வித்தான் கைலாஷ். அவர்கள் கண்ணும், கருத்துமாக பார்த்து கொண்டனர். சிவநேசன் தன் குடும்பத் தொழிலான கட்டுமான பணியில் இருந்தார். அவர் தந்தை உலகநாதன்.

மேஸ்திரியாக ஒரு கம்பெனியில் வேலை பார்த்தவர், சிறுக, சிறுக பணம் சேர்த்து, சிறிய அளவில் இடம் வாங்கி, வீடு கட்டி விற்கும் கட்டுமான வேலையை தொடர்ந்து அது சிவநேசன் காலத்தில் பெரிதாக வளர்ந்து இன்று தொழிலில் பிரபலமாகியிருந்தார். அவரது எஸ்.பி.குரூப்ஸ் நன்றாக வளர்ந்திருந்தது.

தன் மகன் பிறந்த ராசிதான். தொழில் நன்கு வளர காரணம் என நினைத்து பெற்றோர் அவன் என்ன கேட்டாலும் எங்கு போவதானலும் மறுப்பு சொல்லாது கேட்ட பணத்தை தந்தனர்.