தமிழ்நாடு மலை வளங்கள்...கொள்ளையடிக்க துடிக்கும் கார்ப்பரேட்?

அரசாங்கத்தின் பணியே அந்நாட்டின் இயற்கை வளங்களை பாதுகாப்பதுதான். ஆனால் அரசே அதை அழிக்க திட்டமிட்டால் என்னாகும்? மலை அழிந்தால், நதி மாண்டால், காற்று நாசப்பட்டால் பூமியே காலாவதியாகிவிடும்.

ஆட்டை கடித்து, மாட்டை கடித்து மனிதனை கடித்த கதையாக, இப்போது வயல்வெளி, பல்லுயிர் பெருக்க மண்டலத்தை விட்டுவிட்டு சுற்றுச்சூழல் பெறுமதியும், வரலாற்று சிறப்பும் மிக்க ஓரிடத்தை ஒழித்துக்கட்டுவதற்கு திட்டம் ஒன்றை தூக்கிக்கொண்டு வந்துள்ளனர்.

கடந்த 7-ஆம் தேதி, மதுரை மாவட்டம் மேலூர் வட்டத்திற்குட்பட்ட அரிட்டாபட்டி மற்றும் மதுரை கிழக்கு வட்டத்திற்கு உட்பட்ட மீனாட்சிபுரம் ஆகிய கிராமங்களில், பல்லுயிர் பாரம்பரிய தலமாக தமிழக அரசு அறிவித்துள்ள இடத்தில் 2015 ஹெக்டேர் பரப்பளவிலான பகுதியை டங்ஸ்டன் சுரங்கம் அமைக்க ஸ்டெர்லைட் ஆலையின் உரிமையாளரான வேதாந்தா நிறுவனத்தின் துணை நிறுவனத்துக்கு ஏலம் மூலம் ஒன்றிய அரசு தாரை வார்த்தது.