കുഞ്ഞിത്താല്

ഇതിഹാസത്തിലെ സ്ത്രീകൾ

-  കണക്കൂർ ആർ. സുരേഷ്കുമാർ

നമ്മുടെ വീരാംഗനമാരെക്കുറിച്ചുള്ള വാമൊഴിക്കഥകൾ പങ്കു വയ്ക്കുമ്പോൾ അതിൽ കടത്തനാടൻ കഥകൾ മാത്രമല്ല ഉൾപ്പെടുത്തേണ്ടത്. വാമൊഴിപ്പാട്ടുകളിലൂടെ പാടിപ്പറഞ്ഞ മറ്റനവധി വീരകഥകളുമുണ്ട്. അത്തരം ഒരു കഥയാണ് കുഞ്ഞിത്താലിന്റേത്.

വയനാട്ടിലെ ആദിവാസികളിൽ ഒരു പ്രധാന വകഭേദമായ കുറുമ വിഭാഗത്തിൽപ്പെട്ട വീര വനിതയാണ് കുഞ്ഞിത്താല്, വയനാട് ചക്രവർത്തിയായ കാരുമ്പന്റെ ഏകമകളായിരുന്നു അവൾ. കുഞ്ഞിത്താലിന്റെ അമ്മ വെളികുമ്പതെലങ്കാളി. നടുവൻ വയനാടിന്റെ പ്രത്യേക അധിപനായിരുന്നു കാരുമ്പൻ. കൂടല്ലൂർ ഗുരുക്കളുടെ കളരിയിലായിരുന്നു കുഞ്ഞിത്താലിന്റെ ആയോധനാപഠനം. അശ്വാഭ്യാസത്തിലും അസ്ത്രാഭ്യാസത്തിലും അതിവിദഗ്ദ്ധയായിത്തീർന്നു അവൾ. ചുരിക, കടുതില, വാൾ, കവണ, കുന്തം എന്നിവയുപയോഗിച്ചുള്ള യുദ്ധങ്ങളിൽ അവളെ തോൽപ്പിക്കാൻ ആർക്കും കഴിയുമായിരുന്നില്ല.