അബ്ബക റാണി

ഇതിഹാസത്തിലെ സ്ത്രീകൾ

- കണക്കൂർ ആർ. സുരേഷ്കുമാർ

ഇന്ത്യയിലെ പോർച്ചുഗീസ് അധിനിവേശത്തിനെതിരെ അസാമാന്യ ധീരതയോടെ പോരാടിയ വീര വനിതയാണ് കർണ്ണാടകയുടെ തീരപ്രദേശത്തെ ഉള്ളാൽ ദേശം ഭരിച്ചിരുന്ന അബ്ദക്കാ റാണി. വിദേശ ശക്തികൾക്കെതിരെ പോരാടിയ ഭാരത വനിതമാരിൽ പ്രധാനപ്പെട്ട ഒരാളാണ് അബ്ബക്ക റാണി. ജൈനമത വിശ്വാസിയായിരുന്നു അവർ പതിനാറാം നൂറ്റാണ്ടിന്റെ അവസാന കാലഘട്ടത്തിലായിരുന്നു ഉള്ളാൽ ഭരിച്ചത്. ആ നാട്ടുരാജ്യത്തിലെ ചൗടവംശം അനന്തരവകാശത്തിനായി തായ് വഴി സമ്പ്രദായമാണ് പിന്തുടർന്നിരുന്നത്.

അവിടുത്തെ രാജാവായ തിരുമല രായൻ തന്റെ പിൻഗാമിയായി സഹോദരീ പുത്രിയായ അബ്ബക്കയെ വാഴിച്ചു. അവളെ യുദ്ധതന്ത്രങ്ങളും ഭരണതന്ത്രങ്ങളുമെല്ലാം തിരുമലരായൻ പഠിപ്പിച്ചു. മാത്രമല്ല, അദ്ദേഹം മരുമകളെ അയൽ രാജ്യമായ ബൈന്ദൂരിലെ രാജാവ് ലക്ഷ്മണ ബംഗാരപ്പ അരസയെ കൊണ്ട് വിവാഹം ചെയ്യിപ്പിച്ചു. എന്നാൽ ആ ബന്ധം നീണ്ടുനിന്നില്ല. ഭർത്താവുമായി പിണങ്ങി അബ്ദക്ക് സ്വന്തം രാജ്യമായ ഉള്ളാലിലേക്കു മടങ്ങിപ്പോന്നു.