ഒന്നും നിസ്സാരമല്ല

കഥയും കാര്യവും

- അമ്പലപ്പുഴ രാജഗോപാൽ

പ്രിയമുള്ള കൂട്ടുകാരെ, മൂത്തവർ, നമുക്ക് മാതൃകയാണ്, പലതിലും. എന്നുവച്ചാൽ നമ്മുടെ മുത്തച്ഛനും മുത്തശ്ശിയുമൊക്കെ ജീവിതത്തെ ബഹുമാന്യതയോടെ കണ്ടിരുന്നവരായിരുന്നു. നാം നിസ്സാരമെന്ന് കരുതുന്ന പലതും അവർക്ക് സാരമായിരുന്നു. ഒരു ചില്ലിക്കാശുപോലും പാഴാക്കിക്കളഞ്ഞിരുന്നില്ല. അവരെപ്പോലുള്ളവർ കൺമുന്നിൽ കാണുന്ന ഒരു വസ്ത്രവും വില കുറഞ്ഞതായി കണക്കാക്കിയിരുന്നില്ല. അവരുടെയെല്ലാം അത്തരത്തിലുള്ള പെരുമാറ്റങ്ങൾ അടുത്ത തലമുറയ്ക്ക് ഗുണകരമായി മാറി. ആ പ്രവൃത്തികൾ ഏവർക്കും മാതൃകയായിരുന്നു. തേനീച്ച തേൻ ശേഖരിച്ചു വയ്ക്കുന്നതു  പിന്നീടത് വൻ ശേഖരമാകുന്നതു പോലെ പഴയ ആൾക്കാർ എന്നും കരുതിക്കൂട്ടി സൂക്ഷിച്ചു വച്ച് ഭാവി സുരക്ഷിതമാക്കിയിരുന്നു. കൂട്ടുകാർ ഇതുവല്ലതും ചിന്തിക്കാറുണ്ടോ? അവരുടെ ദീർഘ വീക്ഷണമാണ് ഇന്ന് നമ്മൾ അനുഭവിക്കുന്ന പല സുഖസൗകര്യങ്ങളും.

അമേരിക്കയിൽ ഹെൻട്രി എന്നൊരു കോടീശ്വരൻ താമസിച്ചിരുന്നു. സ്വതവേ സൗമ്യനും പലതിനും മാതൃകയുമായിരുന്നു അദ്ദേഹം. തന്റെ കൊച്ചുമക്കളോട് അദ്ദേഹത്തിന് പ്രത്യേക വാത്സല്യമായിരുന്നു. കുട്ടികളെയും കൂട്ടി നടക്കാനിറങ്ങുക അദ്ദേഹത്തിന് പ്രത്യേകമായൊരു ഇഷ്ടമായിരുന്നു.