ഹെർണിയ ഒഴിവാക്കാം

പുരുഷന്മാരിലും കുട്ടികളിലുമാണ് ഹെർണിയ കൂടുതലായി കാണപ്പെടുന്നത്. പ്രായമാകുന്നതോടെ പേശികൾക്കു ബലം കുറയുന്നതാണ് ഹെർണിയക്കു കാരണമാകുന്നത്

ശരീരത്തിലെ മാംസപേശികൾ ദുർ ബലമാകുമ്പോൾ അതുവഴി ശരീരത്തി ലെ ആന്തരാവയവങ്ങൾ പുറത്തേക്കു തള്ളിവരുന്ന അവസ്ഥയാണ് ഹെർണിയ. മിക്കവരിലും കുടൽ ഭാഗങ്ങളായിരിക്കും ഇങ്ങനെ പുറത്തേക്കു തള്ളുന്നത്. കുട്ടികൾ മുതൽ പ്രായമായവരിൽ വരെ ഹെർണിയ കാണപ്പെടാം.

പുരുഷന്മാരിലും കൂട്ടികളിലുമാണ് ഇത് കൂടുതലായി കാണപ്പെടുന്നത്. പ്രായമാകുന്നതോടെ പേശികൾക്കു ബലം കുറയുന്നതാണ് ഹെർണിയക്കു കാരണമാകുന്നത്.

ആർക്കൊക്കെ

ജീവിതശൈലിയിലെ മാറ്റങ്ങളാണ് ഹെർണിയ രോഗികളുടെ എണ്ണം വർധിക്കുന്നതിന് ഒരു പ്രധാന കാരണം. അമിതവണ്ണം, സ്ഥിരമായ ചുമ, അമിതഭാരം ഉയർത്തുന്നവർ, മലശോധനയ്ക്കായി വളരെയധികം ആയാസപ്പെടുക, ശരീര പ്രകൃതി, പാരമ്പര്യം എന്നിവയെല്ലാം ഹെർണിയക്കു കാരണമാകാം. മിക്ക ഹെർണിയയും വയറും വയറിനു ചുറ്റുമുള്ള ഭാഗങ്ങളിലുമാണ് കാണപ്പെടുന്നത്. പ്രായമാകുന്നതോടെ ശരീരത്തിലെ പേശികൾ അയയുന്നത് സ്വാഭാവികമാണ്. ഒപ്പം മൂത്രസഞ്ചിയും മറ്റും താഴേക്കിറങ്ങുക, മൂത്രമൊഴിക്കാൻ ബുദ്ധിമുട്ട് അനുഭവപ്പെടുക തുടങ്ങിയവയും ഹെർണിയയിലേക്കു നയിക്കാം.

സ്ത്രീകളിൽ പ്രധാനമായും സിസേറിയൻ പോലുള്ള ശസ്ത്രക്രിയകൾക്ക് അനുബന്ധമായാണ് ഹെർണിയ പ്രത്യക്ഷപ്പെടുന്നത്. ശസ്ത്രക്രിയയുടെ ഭാഗമായുണ്ടാക്കിയ മുറിവിന്റെ ഭാഗത്തുകൂടി ആന്തരാവയവങ്ങൾ പുറത്തേക്കു തള്ളിവരുന്ന അവസ്ഥയാണിത്. വണ്ണമുള്ളവരിൽ വണ്ണം കുറയുമ്പോൾ വയറിലെ പേശികൾക്ക് അയവുണ്ടാകാം. അതുപോലെ പ്രസവ ശേഷം സ്ത്രീകൾ പൊതുവേ വണ്ണം വയ്ക്കുന്നതായി ക ണ്ടുവരുന്നുണ്ട്. ഇതുമൂലം വയറിന്റെ അടിഭാഗത്തായി കൊഴുപ്പ് അടിഞ്ഞു കൂടി വയർ താഴേക്കു തൂങ്ങുന്നതു പേശികളുടെ ബലക്ഷയത്തിനു ഇടയാക്കാം. ഇങ്ങനെ പേശീകൾക്കുണ്ടാകുന്ന അയവുമൂലവും ഹെർണിയ ഉണ്ടാകാം.

പലതരം ഹെർണിയ

ഹെർണിയയുടെ ലക്ഷണങ്ങൾ അനുസരിച്ച് ഇതിനെ പലതായി തരംതിരിക്കാം. ശരീരത്തിന്റെ വ്യത്യസ്ത ഭാഗങ്ങളിലായിട്ടായിരിക്കും ഓരോതരം ഹെർണിയയും കാണപ്പെടുന്നത്.