റീമേക്കുകൾ വേറെ ഒറിജിനൽ വേറെ

ജോമോന്റെ സുവിശേഷങ്ങ ളി'ലെ വൈദേഹിയേയും 'സഖാവി'ലെ ജാനകിയേയും മലയാള സിനിമാപ്രേമികൾക്ക് അത്ര പെട്ടെന്ന് മറക്കാനാവുന്നതല്ല. തമിഴിലെ അഭിനേത്രി ഐശ്വര്യാ രാജേഷാണ് ആ കഥാപാത്രങ്ങൾക്ക് ജീവനേകിയത്. ഇന്ന് തമിഴിലെ മോസ്റ്റ് വാണ്ടഡ് പെർഫോമിംഗ് ആർട്ടിസ്റ്റായി കീർത്തി നേടിയ ഐശ്വര്യയ്ക്ക് വഴിത്തിരിവായത് തമിഴിൽ 'അട്ടകത്തി'യും 'കാക്കമുട്ടയും ആയിരുന്നു. ഇമേജ് വകവയ്ക്കാതെ കഥാപാത്രങ്ങളെ തന്മയത്വത്തോടെ അവതരിപ്പിക്കുന്ന ഐശ്വര്യ അതു കൊണ്ടുതന്നെ തമിഴിലെ മികച്ച അഭിനേത്രിയാണ്. 'ദി ഗ്രേറ്റ് ഇൻഡ്യൻ കിച്ചൻ' എന്ന സിനിമയുടെ തമിഴ് റീമേക്കിൽ അഭിനയിച്ചു കൊണ്ടിരുന്ന ഐശ്വര്യാരാജേഷുമായി ഒരു കൂടിക്കാഴ്ച....

- അജയ്കുമാർ

ഒരു കഥ കേൾക്കുമ്പോൾ അതിൽ വൈകാരികമായ ഫീൽ ഉണ്ടോ.

കുടുംബസമേതം ഒരു സിനിമ കാണുന്നവർ അതുമായി കണക്ടാവുമോ എന്ന് നോക്കിയാണ് ഞാൻ സിനിമകൾ ചെയ്യുന്നത്. അങ്ങനെ കഥകൾക്കാണ് ഞാൻ പ്രഥമ പ്രാധാന്യം നൽകാറ്. പൊതുവേ കഥ കേൾക്കുമ്പോൾ തന്നെ സ്വയമേ ഒരു ജഡ്ജ്മെന്റുണ്ടായിരിക്കും. ആ കഥാപാത്രം എനിക്ക് ഭംഗിയായി അവതരിപ്പിക്കാൻ കഴിയും എന്ന ആത്മ വിശ്വാസം വന്നശേഷം മാത്രമേ ഞാൻ അതിൽ കമിറ്റ് ആകുകയുള്ളൂ. ഷൂട്ടിംഗ് കഴിഞ്ഞ് ആ സിനിമ കാണുമ്പോൾ ആ സീനിൽ അങ്ങനെ അഭിനയിക്കാമായിരുന്നു, കുറച്ചുകൂടി ബെറ്ററാക്കാമായിരുന്നു എന്ന് മനസ്സിൽ തോന്നും. കാക്കമുട്ട് അമ്മയ്ക്കും സഹോദരനുമൊപ്പമാണ് ഞാൻ തീയേറ്ററിൽ കണ്ടത്. അവർ എന്റെ അഭിനയത്തെ അങ്ങേയറ്റം പ്രശംസിച്ചു. സത്യമായിട്ടും ഞാൻ നന്നായി അഭിനയിച്ചിട്ടുണ്ടോ എന്ന് ഞാൻ അവരോട് പല ആവർത്തിച്ചു ചോദിച്ചു. രണ്ടാം തവണ ആ സിനിമ ഞാൻ പോണ്ടിച്ചേരിയിലെ ഒരു തീയേറ്ററിലാണ് കണ്ടത്. സിനിമ റിലീസായ ആദ്യദിവസം തന്നെ നല്ല റിവ്യൂകൾ വന്നതുകൊണ്ട് സന്തോഷത്തോടെയാണ് ഞാൻ പോയത്. തീയേറ്റർ ഹൗസ്ഫുൾ ആയിരുന്നു. ഞാൻ അത്രയൊന്നും പ്രശസ്തയല്ലാ എങ്കിലും ഒരു സേഫ്റ്റിക്കായി സ്കാർഫ് കൊണ്ട് മുഖം മറച്ചിട്ടാണ് പോയത്. പടം കഴിഞ്ഞ് പുറത്തു വരുന്ന എല്ലാവരും "ടേയ്, അന്ത അമ്മ ക്യാരക്ടറിലെ നടിച്ച പെണ്ണ് നല്ലാ നടിച്ചിരുക്കാങ്ക.. സൂപ്പർ...' എന്ന് പറയുന്നുണ്ടായിരുന്നു. ഒരു സിനിമ വിജയിക്കുമ്പോൾ നമുക്ക് തന്നെ ഭയങ്കരമായ ഒരു ഫീൽ ഉണ്ടാവും. അത് വിവരിക്കാനാവാത്തതാണ്.

ഇപ്പോൾ ദി ഗ്രേറ്റ് ഇൻഡ്യൻ കിച്ചൻ (തമിഴ്) പ്ലാൻബി, ഡ്രൈവർ ജമുനാ, ഭൂമികാ എന്നിങ്ങനെ ഹീറോയിൻ ഓറിയന്റഡ് ആയ സിനിമക ളാണല്ലോ ചെയ്യുന്നത്. അത്തരം സിനിമകളെ തോളിൽ ചുമക്കേണ്ടി വരുന്ന ഉത്തരവാദിത്വം വളരെ വലുതല്ലേ.