ആഹാരം വിഹാരം വിചാരം

തൃപ്പൂണിത്തുറയിലും തിരുവനന്തപുരത്തും നിന്നുമായി ആയുർവ്വേദ ബിരുദം നേടിയ ഡോ. മാധവചന്ദ്രൻ 26 വർഷങ്ങളായി ഈ രംഗത്ത് പ്രവർത്തിച്ചു വരുന്നു.

- ഡോ വി മാധവചന്ദ്രൻ

ആയുർവേദത്തിൽ പ്രധാനമായിട്ട് എട്ട് വിഭാഗങ്ങളുണ്ട്. അതിലൊന്നാണ് രസായനം. രസായനത്തെക്കുറിച്ച് വിശദമായി പറഞ്ഞാൽ സെൽ ഏജിംഗിന് സ്ലോ ഡൗൺ ചെയ്യുന്ന ചികിത്സകളാണ്.

രസാദികളായ ധാതുക്കളുടെ ലാഭോ ഉപായമാണ് രസായന ചികിത്സ. ച്യവനപ്രാശം രസായന ചികിത്സയിൽ പെടുന്ന മരുന്നാണ്.

ഉപ്പന്റെ കൂട്ടിൽ നിന്നും നീലകൊടുവേലി എടുത്തുവെന്ന് പറയുന്ന കഥ പോലെയാണ് രസായന ചികിത്സയെക്കുറിച്ചും പറയാനുള്ളതെന്ന് പിറവത്തിനടുത്തുള്ള മണീടിലെ ഏഴക്കരനാടിനടുത്ത് രസാ യന'ത്തിലെ ആയുർവേദ ഡോക്ടർ വി. മാധവചന്ദ്രൻ വിലയിരുത്തി.

പഞ്ചകർമ്മ ചികിത്സകൾക്കുശേഷം ചെയ്യേണ്ട ചികിത്സയിലാണ് രസായന ചികിത്സ. എല്ലാ രീതിയിലുമുള്ള ശുദ്ധിയും ചെയ്തുകഴിഞ്ഞതിനുശേഷമുള്ള ചികിത്സാരീതിയാണിത്.

ഇവിടെ ഏതൊക്കെ അസുഖങ്ങൾക്കാണ് ചികിത്സ നൽകുന്നത്?

ഇവിടെ എല്ലാവിധ ചികിത്സകളും ഞങ്ങൾ ചെയ്യുന്നുണ്ട്. നടുവേദന, കാൽമുട്ടുവേദന, കഴുത്തുവേദന ഇതിനെല്ലാം ചികിത്സകളുണ്ട്. ഇതിലെല്ലാം പ്രധാനമായി പ്രിവന്റീവ് കാർഡിയോളജി ആയുർവേദത്തിലൂടെ ചെയ്യുന്നു എന്നുള്ളതാണ്.

അതുപോലെ തന്നെ മറ്റൊന്ന്, കാൻസർ കഴിച്ചുള്ള രോഗികളെ റിഹാബിലേറ്റ് ചെയ്യാനുള്ള ചികിത്സയും ഇവിടെനിന്ന് ഞങ്ങൾ ചെയ്തു കൊടുക്കുന്നു. സോറിയാസിസ് പോലുള്ള അസുഖങ്ങൾക്കും രസായനത്തിൽ വിദഗ്ദ്ധ ചികിത്സകളുണ്ട്.

സ്ത്രീകൾക്ക് മാത്രമെന്ന് പറയാവുന്ന ചില അസുഖങ്ങളില്ലേ, പ്രസവം സംബന്ധിച്ചും, മുടികൊഴിച്ചിൽ, മെൻസസ് സംബന്ധമായ രോഗ ങ്ങളെക്കുറിച്ചും... ഇതിനെല്ലാം ആയുർവേദത്തിൽ ഉത്തമമായ ചികിത്സ നൽകുന്നതിനെക്കുറിച്ച് പറയാമോ?

സ്ത്രീരോഗങ്ങൾ, കുട്ടികളുടെ രോഗങ്ങൾ ഇതെല്ലാം ചേർന്നുവരുന്ന ബാലചികിത്സയിലാണ് ആയുർവേദം ഉൾപ്പെടുത്തിയിട്ടുള്ളത്. മെൻസസുമായി ബന്ധപ്പെട്ട പലരീതിയിലുള്ള അസുഖങ്ങളെയാണ് സ്ത്രീകൾ നേരിടുന്നത്. അതിനെല്ലാം ഞങ്ങളിവിടെ ചികിത്സിക്കുന്നുണ്ട്. മുടികൊഴിച്ചിൽ, കഴുത്തിന് ചുറ്റും കറുപ്പുനിറം പടരുക, വല്ലാതെ വണ്ണം കുറയുക, മീശ വളരുക, താടി വളരുക... ഇങ്ങനെ തുടങ്ങി കുറെ പ്രശ്നങ്ങളുണ്ട്. ഇതിനെല്ലാം നല്ല രീതിയിൽ എഫക്ട് ചെയ്യുന്ന മരുന്നുകൾ ആയുർവേദത്തിലുണ്ട്. ഫീമെയിൽ ഹോർമോണുകളെ ഇല്ലാതാക്കി പകരം മെയിൽ ഹോർമോണുകളുടെ കടന്നുവരവുകൊണ്ടാണ് ഇങ്ങനെ പലതും സംഭവിക്കുന്നത്. ഇതിന് പ്രതിവിധികളുമുണ്ട്.