സ്നേഹനിറവിലെ വിഷുക്കാഴ്ച്ചകൾ

ഓർമ്മകൾക്കെല്ലാം എന്നും ഒരേ പ്രായമാണ്

കാലമെത്ര കഴിഞ്ഞാലും, കുട്ടിക്കാലത്തെ വിഷു അനുഭവങ്ങൾ എന്നും നമ്മളോടൊപ്പമുണ്ടാകും. കമ്പിത്തിരിയും നിലച്ചക്രവും പൂത്തിരിയുമൊക്കെ ചേർന്ന ആഹ്ലാദാരവങ്ങൾ.. കണികാണലും വിഷുക്കൈനീട്ടവും കൂട്ടുകാർക്കൊപ്പമുള്ള തിമിർപ്പുകളുമൊക്കെ എത്രകാലം കഴിഞ്ഞാലും മറക്കാൻ കഴിയുമോ? ആ ഓർമ്മകൾക്കെല്ലാം എന്നും ഒരേ പ്രായമാണ്.

"സൂര്യൻ ഉച്ചസ്ഥായിയിൽ കത്തിയെരിയുമ്പോഴും ഇടക്കിടെയെത്തുന്ന ഒരു കുളിർകാറ്റുണ്ട്. ഏത് അത ഷവും, ക്ഷീണവുമകറ്റാൻ അതുമാത്രം മതി. അതു പോലെയാണ് സ്നേഹക്കൂട്ടായ്മകൾ നൽകുന്ന കരുതലും ചേർത്തുപിടിക്കലും. അതുകൊണ്ടുകൂടിയാണ് ഏത് ആഘോഷവേളകളിലും ഞങ്ങളിങ്ങനെ ഒത്തു ചേരുന്നത്.