ഒരേ കുടുംബത്തിലെ ചങ്ക് ഫ്രണ്ട്സ്

സ്ത്രീകൾ ഒരുമിച്ചു ചേരുമ്പോൾ വിരിയുന്ന കുഞ്ഞു വിസ്മയങ്ങൾ, ആനന്ദങ്ങൾ. പെൺ കൂട്ടായ്മകളുടെ രസങ്ങൾ പങ്കുവയ്ക്കുന്ന പംക്തി.

കഴിഞ്ഞ ദിവസം ഞങ്ങളുടെ കൂട്ടത്തിലെ ബിന്ദു ചേച്ചിയുടെ പിറന്നാളായിരുന്നു. ഞങ്ങളുടെ മക്കൾ ചെയ്യുന്നതു പോലെ രാത്രി 12 മണിക്കു കേക്കുമായി ചേച്ചിക്കൊരു കിടിലൻ സർപ്രൈസ് കൊടുത്തു.

"എടച്ചേരി പറമ്പത്ത് കസിൻസ് സിസ്റ്റേഴ്സി'ന്റെ ഒത്തുകൂടൽ വിശേഷങ്ങൾ പങ്കുവയ്ക്കുകയാണ് മാധ്യമപ്രവർത്തക കൂടിയായ സനിത മനോഹർ.

“വർഷത്തിലൊരിക്കലോ മാസത്തിലൊരികലോ ഒത്തുകൂടുന്ന പെൺകൂട്ടായ്മകളുടെ ആഘോഷങ്ങൾ നമ്മൾ ഫെയ്സ്ബുക്കിലൊക്കെ കാണാറുള്ളതല്ലേ? അപ്പോൾ കൂട്ടായ്മ കസിൻസിന്റേതു കൂടിയാകുമ്പോൾ പിന്നെ പറയാനുണ്ടോ? ആഴ്ചയിൽ രണ്ടും മൂന്നും ദിവസവും ഇതു കൂടാതെ വിശേഷദിവസങ്ങളിലുമെല്ലാം ഒത്തുകൂടും.